• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ໜ່ວຍພັກຫ້ອງການ ແລະ ສະຖາບັນສົ່ງເສີມພະລັງງານທົດແທນ ຮັບຮອງເປັນພັກເຂັ້ມແຂງ-ຮູ້ນຳພາຮອບດ້ານ

 

ໃນຕອນເຊົ້າຂອງວັນທີ 29ມີຖຸນາ 2018 ທີ່ຫ້ອງປະຊຸມໃຫຍ່ຊັ້ນ 5ກະຊວງພະລັງງານ ແລະ ບໍ່ແຮ່. ຄະນະພັກກະຊວງພະລັງງານ ແລະ ບໍ່ແຮ່ໄດ້ຈັດ ພິທີມອບຮັບນາມມະຍົດຮັບຮອງເອົາໜ່ວຍພັກຫ້ອງການກະຊວງ ເປັນໜ່ວຍພັກເຂັ້ມແຂງຮູ້ນຳພາຮອບດ້ານ
ຄັ້ງທີ IV ແລະ ໜ່ວຍພັກສະຖາບັນສົ່ງເສີມພະລັງງານທົດແທນເປັນໜ່ວຍ ພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VI ປະຈຳປີ 2017 ຂຶ້ນຢ່າງເປັນທາງການພາຍໃຕ້ການເປັນປະທານຂອງສະຫາຍ ປອ ດາວວົງ ພອນແກ້ວ ເລຂາໜ່ວຍພັກຫ້ອງການກະຊວງ ແລະ ສະຫາຍ ຈັນໂທ ມີລັດຕະນະແພງ ເລຂາ ໜ່ວຍພັກສະຖາບັນສົ່ງເສີມພະລັງງານທົດແທນ ໃຫ້ກຽດເຂົ້າຮ່ວມຂອງສະຫາຍ ປອ ຄຳມະນີ ອິນທິລາດ ເລຂາຄະນະພັກກະຊວງ, ລັດຖະມົນຕີກະຊວງພະລັງງານ ແລະ ບໍ່ແຮ່, ມີບັນດາສະຫາຍເລຂາ-ຮອງເລຂາ ຄະນະໜ່ວຍພັກອ້ອມຂ້າງ ພ້ອມດ້ວຍສະມາຊິກພັກທັງສອງກົມເຂົ້າຮ່ວມຢ່າງ ພ້ອມພຽງ. ທັງສອງໜ່ວຍພັກໄດ້ລາຍງານສະພາບ ການຈັດຕັ້ງ ແລະ ການເຄື່ອນໄຫວ ແລະ ການນຳພາຂອງໜ່ວຍ ການເຄື່ອນໄຫວຂອງທັງສອງໜ່ວຍມີພາລະບົດບາດຕົ້ນຕໍ ໃນທິດທາງດຽວກັນຄື ມີບົດບາດໃນການຄົ້ນຄວ້າ, ເຊື່ອມຊຶມແນວທາງນະໂຍບາຍ, ມະຕິຄຳສັ່ງ, ກົດລະບຽບຂອງພັກ ແລະກົດໝາຍຂອງລັດ.ສະຫາຍເລຂາໜ່ວຍ ພັກທັງສອງໄດ້ຊີ້ແຈ້ງເຖິງການເຄື່ອນໄຫວຂອງໜ່ວຍພັກຕົນໃນໄລຍະ 1 ປີຜ່ານມາ ໜ່ວຍພັກຫ້ອງການມີສະມາຊິກ23 ສະຫາຍ ເປັນຍິງ 7 ສະຫາຍໄດ້ຮັບເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານຕິດຕໍ່ກັນ ເປັນຄັ້ງທີ IV ໜ່ວຍພັກສະຖາບັນສ່ົງເສີມພະລັງງານທົດແທນ ມີສະມາຊິກທັງໝົດ 16 ສະຫາຍເປັນຍິງ 1 ສະຫາຍ ແລະ ໄດ້ຮັບນາມມະຍົດເປັນໜ່ວຍພັກເຂັ້ມແຂງຮູ້ນຳພາຮອບດ້ານເປັນຄັ້ງທີ VI ແລະ ໃນຊຸມປີຕໍ່ໜ້າທັງສອງໜ່ວຍພັກ ກໍໄດ້ວາງແຜນການຂອງຕົນ ເພື່ອສ້າງພັກໃຫ້ເປັນໜ່ວຍພັກເຂັ້ມແຂງໜັກແໜ້ນ ແລະ ປອດໃສປະຈຳປີ 2018 ໂດຍອີງໃສ່ບົນພື້ນຖານ 4ແຂງ ຄື: ແຂງທາງດ້ານການເມືອງ,ແຂງທາງດ້ານແນວຄິດ, ແຂງທາງດ້ານການຈັດຕັ້ງ ແລະ ແຂງທາງດ້ານແບບແຜນ ການນໍາພາ; 5 ຮູ້ນຳພາຮອບດ້ານຄື:ຮູ້ນໍາພາດ້ານແນວຄິດການເມືອງ, ຮູ້ນຳພາທາງດ້ານວິຊາສະເພາະ, ຮູ້ນໍາພາທາງດ້ານເສດຖະກິດ ວັດທະນະທຳສັງຄົມ,ຮູ້ນຳພາອຳນາດການປົກຄອງ, ຮູ້ນຳພາອົງການຈັດຕັ້ງມະຫາຊົນ ແລະ ອົງການຈັດຕັ້ງອື່ນໆ ແລະ ຮູ້ນຳພາວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ມີຄວາມໜັກແໜ້ນເຂັ້ມແຂງເປັນ ລະບຽບຮຽບຮ້ອຍ ມີຄວາມສະຫງົບ-ປອດໄພ ແລະ ຮູ້ນຳພາການປັບປຸງກໍ່ສ້າງພາຍໃນພັກ ແລະ ກໍ່ສ້າງພະນັກງານທີ່ຢູ່ໃນຄວາມ ຮັບຜິດຊອບຂອງໜ່ວຍພັກ. ຈາກນັ້ນບັນດາໜ່ວຍພັກທັງສອງກໍໄດ້ຮັບໃບຢັ້ງຢືນຈາກສະຫາຍເລຂາແລະ ໄດ້ຮັບຟັງທິດຊີ້ນຳໃຫ້ໜ່ວຍພັກທັງສອງສືບຕໍ່ຮັກສາມູນເຊື້ອດັ່ງກ່າວໄວ້ໃນຊຸມປີຕໍ່ໜ້າໃຫ້ບັນດາຄະນະ ໜ່ວຍພັກທັງສອງ ແລະ ສະມາຊິກພັກ ຈົ່ງເພີ່ມທະວີຄວາມສາມັກຄີ ຄວາມເປັນ ແບບຢ່າງນຳໜ້າໃຫ້ແກ່ມະຫາຊົນ ໃນການປະຕິບັດພາລະບົດບາດສິດ ແລະໜ້າທີ່ຂອງຕົນໃຫ້ສົມກັບວ່າ ເປັນພັກປະຊາຊົນປະຕິວັດລາວ ແລະ ພ້ອມກັນເຊີດຊູນ້ຳໃຈເສຍສະຫຼະໄປພ້ອມກັນແລະ ຍົກສູງຄວາມຮູ້ຄວາມສາມາດໃຫ້ສູງເພື່ອຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ຮັບປະກັນໃນການບັນລຸວິໄສທັດຮອດປີ 2030, ຍຸດທະສາດ 2025 ແລະ ແຜນພັດທະນາຂອງຂະແໜງການ 5 ປີ ຄັ້ງທີ VIII (2016-2020) ໃຫ້ປະກົດຜົນເປັນຈິງຕາມທິດຍືນຍົງ ແລະ ສີຂຽວ.

X