• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ໜ່ວຍພັກກົມຄຸ້ມຄອງພະລັງງານ ໄດ້ຮັບນາມມະຍົດເປັນ ໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VII ປະຈຳປີ 2017

ຕອນເຊົ້າຂອງວັນທີ 29 ພຶດສະພາ 2018 ຢູ່ຫ້ອງປະຊຸມໃຫຍ່ຊັ້ນ 6 ຕຶກກະຊວງ, ຄະນະພັກກະຊວງ ພະລັງງານ ແລະ ບໍ່ແຮ່ ໄດ້ຈັດພິທີມອບນາມມະຍົດຮັບຮອງເອົາໜ່ວຍພັກ ກົມຄຸ້ມຄອງພະລັງງານເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VII ປະຈຳປີ 2017 ຂຶ້ນຢ່າງເປັນທາງການ, ພາຍໃຕ້ການເປັນປະທານຂອງ ສະຫາຍສີຈາດ ບຸດຊາກິດຕິລາດ, ເລຂາໜ່ວຍພັກ, ຫົວໜ້າກົມຄຸ້ມຄອງພະລັງງານ. ໃຫ້ກຽດເຂົ້າຮ່ວມຂອງ ສະຫາຍ ນາງ ຈັນສະຫວາດ ບຸບຜາ, ຄະນະປະຈຳພັກກະຊວງ, ຮອງລັດຖະມົນຕີກະຊວງ ພະລັງງານ ແລະ ບໍ່ແຮ່, ມີບັນດາ ສະຫາຍ ເລຂາ-ຮອງເລຂາ ແລະ ຜູ້ຕາງໜ້າຄະນະ ໜ່ວຍພັກອ້ອມ ຂ້າງກະຊວງ ພ້ອມດ້ວຍສະມາຊິກພັກພາຍໃນກົມເຂົ້າຮ່ວມຢ່າງພ້ອມພຽງ. ສະຫາຍສີຈາດ ບຸດຊາກິດຕິລາດ ກ່າວວ່າ: ໜ່ວຍພັກກົມຄຸ້ມຄອງພະ ລັງງານເປັນໜ່ວຍພັກເອກະລາດໜຶ່ງ ຂຶ້ນກັບການຊີ້ນຳ-ນຳພາໂດຍກົງຈາກອົງຄະນະພັກກະຊວງ ພະລັງງານ ແລະ ບໍ່ແຮ່, ຊຶ່ງໄດ້ຮັບການສ້າງຕັ້ງໃນວັນທີ 21 ຕຸລາ 2011, ປະຈຸບັນມີສະມາຊິກພັກທັງໝົດ 15 ສະຫາຍ, ຍິງ 2 ສະຫາຍ. ຕະຫຼອດໄລຍະໜຶ່ງປີຜ່ານມາ, ໂດຍສະເພາະພາຍຫຼັງທີ່ໜ່ວຍພັກໄດ້ຮັບນາມມະຍົດໜ່ວຍພັກເຂັ້ມແຂງ-ຮູ້ນຳພາຮອບ ດ້ານຕິດຕໍ່ກັນມາເປັນຄັ້ງທີ VI ໃນປີ2016 ແລະ ໄດ້ສ້າງແຜນການຄັ້ງທີ VII ປະຈຳປີ 2017 ໂດຍອີງໃສ່ບົນພື້ນຖານ 4 ແຂງ 5 ຮູ້ນຳພາຮອບດ້ານ, ໜ່ວຍພັກສາມາດບັນລຸຜົນສຳເລັດໃນຫຼາຍດ້ານ. ໃນພິທີດັ່ງກ່າວ ສະຫາຍ ສີຈາດ ບຸຊາກິດຕິລາດ, ເລຂາ ໜ່ວຍພັກ ໄດ້ມອບບັດສະມາຊິກພັກໃຫ້ແກ່ສະມາຊິກຈຳນວນ 4 ສະຫາຍ. ໃນໂອກາດ ເຂົ້າຮ່ວມພິທີຄັ້ງນີ້,ສະຫາຍ ຄະນະປະ ຈຳພັກ, ຮອງລັດຖະມົນຕີ ກໍ່ໄດ້ໃຫ້ກຽດໂອ້ລົມ ເຊິ່ງກ່ອນອື່ນ ສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາ ໄດ້ຕະຫຼອດໄລຍະ 1 ປີທີ່ຜ່ານມາ ຈົນໄດ້ຮັບການຍ້ອງຍໍຈາກຄະນະພັກຂັ້ນເທິງຢ່າງສົມກຽດນັ້ນກໍ່ຄື: ນາມມະຍົດໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ VII ຕິດຕໍ່ກັນ. ເພື່ອສືບຕໍ່ຮັກສາມູນເຊື້ອອັນດີງາມດ່ັງກ່າວນີ້ ໃນຊຸມປີຕໍ່ໜ້າ ສະຫາຍໄດ້ຮຽກຮ້ອງໃຫ້ຄະນະພັກ, ຄະນະນຳ ແລະ ສະມາຊິກພັກທຸກສະຫາຍ ຈົ່ງເພີ່ມທະວີຄວາມສາມັກຄີ ແລະ ຄວາມເປັນແບບຢ່າງນຳໜ້າໃຫ້ແກ່ມະຫາຊົນ ໃນການປະຕິບັດພາລະບົດບາດ, ສິດ ແລະໜ້າທີ່ຂອງຕົນ ໃຫ້ສົມກັບວ່າ ເປັນສະມາຊິກພັກ ປະຊາຊົນ ປະຕິວັດລາວ; ເຊີດຊູນໍ້າໃຈເສຍສະຫຼະ ໄປພ້ອມກັບການຍົກສູງຄວາມຮູ້, ຄວາມສາມາດໃຫ້ສູງ ເພື່ອສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່; ຮັບປະກັນເຮັດໃຫ້ສາມາດບັນລຸວິໄສທັດຮອດປີ 2030, ຍຸດທະສາດການພັດທະນາ 2025 ແລະແຜນພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020)ໃຫ້ປະກົດຜົນເປັນຈິງ.

X