• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ເປີດສູນພັກຊົ່ວຄາວ ບ້ານຫາດຍາວ ເມືອງສະໜາມໄຊ

ສູນພັກຊົ່ວຄາວຂອງຜູ້ປະສົບໄພນໍ້າຖ້ວນຈຸດບ້ານຫາດຍາວເມືອງ ສະໜາມໄຊ ແຂວງອັດຕະປຶ ໄດ້ກໍ່ສ້າງສຳເລັດເປັນທີ່ຮຽບ ຮ້ອຍແລ້ວ, ພາຍຫຼັງໄດ້ເລີ່ມລົງມືກໍ່ສ້າງໃນເດືອນ ກົດລະກົດ ທີ່ຜ່ານມາ ໂດຍໃຊ້ເວລາໃນການກໍ່ສ້າງ 35 ວັນ ໃນເນື້ອທີ່ 1 ເຮັກຕາ ຢູ່ຈູດໂຮງຮຽນບ້ານຫາດຍາວ ຊຶ່ງປະກອບມີ 10 ຫຼັງ, 140 ຫ້ອງ, ຫ້ອງນໍ້າ 5 ຫຼັງ, ນໍ້າບາດານ 2 ບໍ່ , ພາຍໃນຫ້ອງຍັງໄດ້ຕິດຕັ້ງພັດລົມ ແລະ ຂ້າງນອກມີຫ້ອງຄົວ. ນອກນັ້ນ ພາຍໃນສູນຍັງປະກອບມີເຄື່ອງປະຖົມພະຍາບານ, ຖັງດັບເພີງ ແລະ ຕິດຕັ້ງລະບົບຮັກສາ ຄວາມປອດໄພຕາມມາດຕະຖານສາກົນ. ສຳລັບຢູ່ສູນດັ່ງກ່າວ ແມ່ນຈະໄດ້ຍົກຍ້າຍປະຊາຊົນຈາກບ້ານໃໜ່ ທີ່ຢູ່ສູນພັກ ຊົ່ວຄາວໂຮງຮຽນມິດສຳພັນຈຳນວນ 140 ຄອບຄົວ ເຂົ້າມາຢູ່ ແລະ ມີອີກ 50 ກວ່າຄອບຄົວແມ່ນຍັງໄດ້ລໍຖ້າໃນການ ຍ້າຍໄປຢູ່ສູນດົງບາກ. ສ່ວນປະຊາຊົນບ້ານດັ່ງກ່າວມີທັງໝົດ 199 ຄອບຄົວ, ມີພົນລະເມືອງ 749 ຄົນ, ຍິງ 366 ຄົນ.
ພິທີເປີດນຳໃຊ້ສູນດັ່ງກ່າວ ໄດ້ມີຂື້ນ ໃນວັນທີ 5 ກັນຍານີ້ ໂດຍມີ ທ່ານ ເລັດ ໄຊຍະພອນ, ເຈົ້າແຂວງອັດຕະປຶ, ທ່ານ ອັນ ແຈ ຮູນ ປະທານບໍລີສັດເອັສເຄ (SK EC), ມີພາກສ່ວນທີ່ເຂົ້າຮ່ວມ. ໃນໂອກາດດຽວກັນນີ້, ທ່ານ ຮິດຈັງ ຮຽນ ຕາງໜ້າບໍລິສັດເອັສເຄ ໄດ້ມອບສູນດັ່ງກ່າວ ໃຫ້ທາງອຳນາດການປົກຄອງແຂວງ ໂດຍແມ່ນ ທ່ານ ບູນໂຮມ ພົມມະສານ ເຈົ້າເມືອງ ສະໜາມໄຊ ເປັນຜູ້ກ່າວຮັບ ແລະ ໄດ້ມອບຕໍ່ປະຊາຊົນ ໂດຍແມ່ນ ທ່ານ ຄຳໃບ ນາຍບ້ານໃໜ່ ເປັນຜູ້ກ່າວຮັບ. ພ້ອມດຽວກັນນັ້ນ, ທ່ານ ເຈົ້າແຂວງອັດຕະປຶ ຍັງໄດ້ລັ່ນຄ້ອງ 9 ບາດ ເພື່ອເປັນສີລິມຸງຄຸນໃນວັນດຽວກັນນັ້ນ ຢູ່ທີ່ສູນດັ່ງກ່າວຍັງມີວິທີທາງສາສະໜາ, ທຳບຸນໃສ່ບາດ ເພື່ອເປັນສີລິມຸງຄຸນ ເພື່ອສ້າງຂັວນກຳລັງໃຈໃຫ້ກັບປະຊາຊົນທີ່ຍົກຍ້າຍມາຢູ່ສູນພັກແຫ່ງໃໜ່.

X