• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ຮອງນາຍົກລັດຖະມົນຕີ ລົງຕິດຕາມ ສະພາບການຟື້ນຝູໄພພິບັດຢູ່ເມືອງສະໜາມໄຊ

ພາຍຫຼັງສຳເລັດການເຄື່ອນໄຫວວຽກງານຢູ່ແຂວງຈຳປາສັກແລ້ວ ໃນວັນທີ 7 ກັນຍາ 2018 ທ່ານສອນໄຊ ສີພັນດອນ ຮອງນາຍົກລັດຖະມົນຕີ, ປະທານຄະນະສະເພາະກິດແກ້ໄຂໄພພິບັດລະດັບຊາດ ພ້ອມດ້ວຍຄະນະໄດ້ເດີນທາງໄປຕິດຕາມ
ສະພາບການແກ້ໄຂໄພພິບັດຢູ່ເມືອງສະໜາມໄຊ ແຂວງອັດຕະປຶ ໂດຍ ໄດ້ຮັບການຕ້ອນຮັບຈາກຄະນະນຳ ແຂວງອັດຕະ
ປຶ ອຳນາດການປົກຄອງເມືອງ ແລະ ປະຊາຊົນ. ໂອກາດດັ່ງກ່າວ ທ່ານ ບຸນໂຮມ ພົມມະສານ ເຈົ້າເມືອງໆສະໜາມໄຊ
ຮອງຫົວໜ້າຄະນະຟື້ນຝູຈັດສັນອາຊີບໄດ້ລາຍງານໃຫ້ຊາບວ່າ: ມາຮອດປະຈຸບັນວຽກງານການຊອກຄົ້ນຫາຜູ້ສູນ
ຫາຍໄດ້ດຳເນີນໄປຢ່າງຕໍ່ເນື່ອງ ສາມາດພົບຜູ້ເສຍຊີວິດໄດ້ທັງໝົດ40 ຄົນ ໃນນີ້ເກັບຈາກພາກສະໜາມ
ໄດ້ 34 ສົບ ເສຍຊີວິດຢູ່ໂຮງໝໍ 6 ສົບໄດ້ສະໜອງເຄື່ອງອຸປະໂພກ ແລະ ບໍລິໂພກໃຫ້ຜູ້ດ້ຮັບຜົນກະທົບເປັນແຕ່ລະມື້
ບາງຄອບຄົວກໍ່ໄດ້ສະໜອງອາຫານສົດໃຫ້ ເພື່ອນຳໄປປັບປຸງເອງບາງຄອບຄົວກໍ່ ໄດ້ແຕ່ງອາຫານໃຫ້ກິນຢູ່
ບ່ອນລວມ ເບີກຈ່າຍເງີນແຮກະເປົາໃຫ້ຜູ້ໄດ້ຮັບຜົນກະທົບໄດ້ຄົບແຕ່ລະຄອບຄົວ ສຳລັບວຽກງານປະເມີນຄວາມ
ເສຍຫາຍໄດ້ມີການຈັດຕັ້ງ ແລະ ແບ່ງເປັນ 8 ຈຸ ເພື່ອລົເກັບກຳສະພາຍຄວາມເສຍຫາຍ ມາຮອດປະຈຸບັນສາມາດ
ປະເມີນຄວາມເສຍຫາຍ ຈຳນວນ 6 ບ້ານທີ່ໄດ້ຮັບຜົນກະທົບໜັກໄດ້ 52% ສ່ວນເນື້ອທີ່ ທຳການຜະລິດຂອງປະຊາ
ຊົນຍັງບໍ່ສາມາດປະເມີນຄວາມເສຍຫາຍໄດ້ ສຳລັບການບຸກເບີກພື້ນທີ່ຈັດສັນບ່ອນໃໜ່ ເພື່ອໃຫ້ຜູ້ໄດ້ຮັບຜົນກະ
ທົບໄດ້ສືບຕໍ່ດຳເນີນການສຳຫຼວດຈຳນວນຄອບຄົວ ແລະ ຜູ້ປະສົບໄພສຳເລັດ 2 ບ້ານຄື: ບ້ານໃໜ່, ບ້ານທ່າຫີນ
ສຳລັບການກໍ່ສ້າງທີ່ພັກຊົ່ວຄາວ ແລະ ຖາວອນມີຄື: ຢູ່ຈຸດດົງບາກ ໄດ້ແລ້ວ 2,5% , ກໍ່ສ້າງໂຮງໝໍເມືອປະຕິບັດໄດ້
14,5%, ສຳລັບຈຸດພັກທີ່ໄດ້ກຳນົດເມື່ອກ່ອນ ໃນເນື້ອທີ່ 4,8% ເຮັກຕາ ແມ່ນໄດ້ບຸກເບີກແລ້ວ 100% ຈຸດບ້ານ
ຕະມໍຢອດ ມີເນື້ອທີ່ທັງໜົດ 3,66 ເຮັກຕາ ມາຮອດປະຈຸບັນປະຕິບັດໄດ້ 99% ສຳລັບຈຸດດອນບົກ ແມ່ນໄດ້ນຳ
ໃຊ້ກົນຈັກບຸກເບີກໃນເນື້ອທີ່ 5 ເຮັກຕາປະຈຸບັນບຸກເບີກໄດ້ 2,1 ເຮັກຕາ ສ່ວນທີ່ເຫຼືອຍັງ 2,9 ເຮັກຕາ ແມ່ນໄດ້
ບຸກເບີກສຳເລັດແລ້ວ ຈຸດພັກທີ່ໄດ້ກຳນົດໃໜ່ ໃນເນື້ອທີ່ 8 ເຮັກຕາ ປະຈຸບັນບຸກເບີກໄດ້ແລ້ວ 5,1 ເຮັກຕາເທົ່າກັບ
63,75%, ສຳລັບຈຸດບ້ານປິນດົງ ໃນຈຳນວນ 4,5 ເຮັກຕາ ແມ່ນໄດ້ບຸກເບີກແລ້ວ 4,1 ເຮັກຕາ ເທົ່າກັບ
91,11% ສ້ອມແປງເສັ້ນທາງ ແຕ່ບ້ານຫີນລາດ ຫາ ບ້ານຕະມໍຢອດ ປະຕິບັດໄດ້ 54% ບ້ານຕະມໍຢອດ ຫາ
ບ້ານໄຊດອນໂຂງ ປະຕິບັດໄດ້ 54% ສຳຄັນແມ່ນໄດ້ຍົກຍ້າຍປະຊາຊົນມາຢູ່ເຮືອນພັກຊົ່ວຄາວ ຈຳນວນ 100
ຄອບຄົວ. ໃນໂອກາດນີ້ ທ່ານ ຮອງນາຍົກໄດ້ສະແດງຄວາມຊົມເຊີຍ ຕໍ່ອຳນາດການປົກຄອງ ແລະ ທຸກພາກສ່ວນ
ອາສາສະໝັກທັງພາຍໃນ ແລະ ຕ່າງປະເທດ ທີ່ໄດ້ເອົາໃຈໃສ່ເຂົ້າໃນການປະຕິບັດວຽກງານຂອງຕົນ ມີຄວາມ
ຄືບໜ້າເປັນຢ່າງດີ ເພື່ອຊ່ວຍເຫຼືອ ແລະ ຟື້ນຝູຊີວິດການເປັນຢູ່ຂອງປະຊາຊົນທີ່ໄດ້ຖືກຜົນກະທົບ ໃຫ້ຢູ່ໃນສະພາບ
ປົກກະຕິໂດຍໄວ ພ້ອມທັງໄດ້ຊີ້ນຳ ແລະ ເນັ້ນໜັກ ໃຫ້ແກ່ຄະນະສະເພາະກິດແກ້ໄຂໄພພິບັດຂັ້ນແຂວງ ແລະ ເມືອງສືບ
ຕໍ່ເອັາໃຈໃສ່ເປັນຕົ້ນ ໃນໄລະຍະຮີບດ່ວນນີ້ ໃຫ້ປັບປຸງວຽກ ງານການສຶກສາ ແລະ ສະໜອງອຸປະກອນການຮຽນ
ແລະ ການສອນໃຫ້ຄົບຖ້ວນເພື່ອເຮັດໃຫ້ນັກຮຽນໄດ້ເຂົ້າຮຽນຢ່າງເປັນປົກກະຕິ ສືບຕໍ່ຮັກສາສຸຂະພາບໃຫ້ຜູ້ປະສົບໄພເອົາໃຈໃສ່
ບຸກເບີກພື້ນທີ່ເພື່ອກໍ່ສ້າງສູນພັກຊົ່ວຄາວ ແລະ ຖາວອນ ພື້ນທີ່ທຳການຜະລິດຂອງປະຊາຊົນ ປັບປຸງພື້ນທີ່ຖານ
ໂຄງລ່າງ ໂດຍສະເພາະລະບົບໄຟ້ຟ້າເສັນທາງ ນຳໃຊ້ ແລະ ສິ່ງອຳນວຍຄວາມສະດວກຕ່າງໆ ຂື້ນບັນຊີອອກ
ບັດ ຂື້ນສຳມະໂນຄົວໃຫ້ແກ່ຜູ້ປະສົບໄພພ້ອມທາງສຳຫຼວດຄວາມເສຍຫາຍໃຫ້ລະອຽດ ແລະ ຊັດເຈນກຳນົດເຂດ
ໃດເປັນເຂດທີ່ໄດ້ຮັບຜົນກະທົບໜັກເຂດທີ່ໄດ້ຮັບຜົນກະທົບລະດັບກາງ ແລະ ລະດັບເບົາເພ່ືອວາງແຜນຟື້ນຟູ
ແກ້ໄຂ ແລະ ທົດແທນຄ່າເສຍຫາຍ ສະໜອງເຄື່ອງອຸປະໂພກ ແລະ ບໍລິໂພກໃຫ້ກັບປະຊາຊົນ ໄປຄ່ຽງຄູ່ກັບການ
ເບີກເງີນແຮຖົງໃຫ້ປະຊາຊົນເປັນປົກະຕິ ສຳຄັນໃນການເບີກເຄື່ອງຂອງ ບໍລິຈາກໃຫ້ປະຊາຊົນ ຕ້ອງມີການບັນທຶກ
ແລະ ລົງບັນຊີຢ່າງລະອຽດຊັດເຈນພ້ອມດຽວກັນນັ້ນ ໃຫ້ປັບປຸງລະບົບການຈັດຕັ້ງ ແລະ ລະບຽບໃນການ
ຄຸ້ມຄອງສູນ ເອົາໃຈໃສ່ວຽກງານໂຄສະນາປະຊາສຳພັນ ໃຫ້ປະຊາຊົນໄດ້ຮັບຮູ່ຢ່າງທັນການ ຄົ້ນຄ້ວາ ແລະ
ສ້າງເງື່ອນໄຂໃນການສ້າງວຽກງານເຮັດງານທຳ ການທຳການຜະລິດຂອງປະຊາຊົນ ໃຫ້ມີຄວາມເໝາະສົມສຳ
ຫຼວດຄືນການໃຫ້ການຊ່ວຍເຫຼືອໃນໄລຍະທີ່ຜ່ານມາ ລວມທັງສັງລວມບັນດາຄວາມຕ້ອງການຕົວຈິງຂອງປະຊາ
ຊົນ ແລະ ສະໜອງອຸປະກອນການກິນທີ່ຈຳເປັນ ຈຳນວນໜຶ່ງໃຫ້ປະຊາຊົນ. ພ້ອມນີ້ ທ່ານ ສອນໄຊ ສີພັນດອນ
ພ້ອມດ້ວຍຄະນະຍັງໄດ້ໄປຢ້ຽມຢາມທີພັກຊົ່ວຄາວ ແລະ ຈຸດພືນທີ່ໆໄດ້ມີການບຸກເບີກເພື່ອສ້າງເປັນທີ່ພັກອາໄສຖາ
ວອນຂອງຜູ້ທີ່ໄດ້ຮັບຜົນກະທົບຕື່ມອີກ.

X