• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ອົງຄະນະພັກ ກະຊວງ ພະລັງງານ ແລະ ບໍ່ແຮ່ ເຊື່ອມຊຶມເອກະສານຈັດຕັ້ງພັກ-ພະນັກງານ

ຕອນເຊົ້າວັນທີ 14 ມິຖຸນາ 2018 ຢູ່ຫ້ອງປະຊຸມໃຫຍ່ຊັ້ນ 5 ຕຶກເບີ 1, ອົງຄະນະພັກກະຊວງ ພະລັງງານ ແລະ ບໍ່ແຮ່ ໄດ້ຈັດກອງປະຊຸມ ເຜີຍແຜ່ເອກະສານນິຕິກຳ ກ່ຽວກັບວຽກງານຈັດຕັ້ງພັກ-ພະນັກງານ ຂຶ້ນ ໂດຍການເປັນປະທານ ແລະ ໃຫ້ກຽດເຜີຍແຜ່ຂອງ ສະຫາຍ ປອ ຄຳມະນີ ອິນທິລາດ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງ ພະລັງງານ ແລະ ບໍ່ແຮ່, ມີບັນດາ ສະຫາຍ ຄະນະປະຈຳພັກ, ກຳມະການຄະນະພັກ, ເລຂາຄະນະພັກຮາກຖານ, ເລຂາໜ່ວຍພັກ, ພ້ອມດ້ວຍສະມາຊິກພັກ, ພະນັກ ງານຫຼັກແຫຼ່ງທີ່ຂຶ້ນກັບອົງຄະນະພັກກະຊວງ ເຂົ້າຮ່ວມ ຢ່າງພ້ອມພຽງ. ໃນພິທີອັນມີຄວາມໝາຍນີ້ສະຫາຍເລຂາຄະນະພັກໄດ້ຍົກ ໃຫ້ເຫັນສະພາບການທີ່ພົ້ນເດັ່ນທັງຢູ່ພາຍໃນ ແລະ ສະພາບການຂອງສາກົນ ເຊິ່ງມີການຜັນແປໄປຢ່າງສະຫັຼບຊັບຊ້ອນມີທັງ ກາລະໂອກາດທີ່ດີ ແລະ ມີທັງຄວາມຂັດແຍ່ງເກີດຂຶ້ນ ໃນທົ່ວທຸກພູມີພາກຂອງໂລກ. ພ້ອມນນີ້, ສະຫາຍ ຍັງຍົກໃຫ້ເຫັນຜົນ ສຳເລັດຂອງ ສປປ ລາວ ໃນການພັດທະນາເສດຖະກິດ-ສັງຄົມ, ການປົກປັກຮັກສາ ແລະ ການສ້າງສາພັດທະນາປະເທດຊາດຕະຫຼອດໄລຍະ 40 ກວ່າປີຜ່ານມາເຫັນວ່າ: ປະເທດຊາດຂອງພວກເຮົາມີຫຼາຍດ້ານໄດ້ຮັບຜົນສຳເລັດອັນພົ້ນເດັ່ນກວ່າໝູ່ ແມ່ນການ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບສຸກ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂຶ້ນ, ເສດຖະກິດມີການຂະຫຍາຍຕົວຢ່າງໝັ້ນທ່ຽງ ດ້ວຍຈັງຫວະສະເລ່ຍ 6-7% ຕໍ່ປີ ຕະຫຼອດໄລຍະ 10 ປີຜ່ານມາ. ສຳລັບຂະແໜງການ ພະລັງງານ ແລະ ບໍ່ແຮ່ ກໍ່ເປັນຂະແໜງໜຶ່ງ ທີ່ໄດ້ຮັບການພັດທະນາຢ່າງກ້າວກະໂດດ ແລະ ກໍ່ເປັນຂະແໜງ ການປາຍແຫຼມຂອງ ພັກແລະ ລັດຖະບານ ໃນກນພັດທະນາເສດຖະກິດ-ສັງຄົມ, ຍູ້ໜູນໃຫ້ປະເທດຊາດ ມີການຂະຫຍາຍຕົວເປັນກ້າວໆ ແລະ ປະຊາຊົນ ມີຊີວິດດີຂື້ນຕາມລຳດັບ. ບັນດາເອກະສານທີ່ນຳມາເຜີຍແຜ່ຄັ້ງນີ້ ລວມມີ: ສະພາບການທີ່ພົ້ນເດັ່ນອົງຄະນະພັກທັງຢູ່ພາຍໃນປະເທດ ແລະ ສະພາບການຂອງສາກົນ; ເອກະສານ ຄຳສັ່ງຂອງຄະນະເລຂາທິການສູນກາງພັກ, ສະບັບເລກທີ 04/ຄລສພ, ລົງວັນທີ 7 ພຶດສະພາ 2018; ເອກະສານຄຳສັງຂອງຄະນະຈັດຕັ້ງສູນກາງພັກ, ສະບັບເລກທີ 292/ຄຈສພ, ລົງວັນທີ 26 ເມສາ 2018 ແລະ ເອກະສານຄຳແນະນຳຂອງຄະນະຈັດຕັ້ງສູນກາງພັກ, ສະບັບເລກທີ 291/ຄຈສພ, ລົງວັນທີ 26 ເມສາ 2018.

X