• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ສະຫະພັນກຳມະບານກະຊວງ ພະລັງງານ ແລະ ບໍ່ແຮ່ ຈັດການແຂ່ງຂັນສີມືແຮງງານ ເພື່ອສະເຫຼີມສະຫຼອງວັນກຳມະກອນສາກົນ

ຄະນະບໍລິຫານງານສະຫະພັນກຳມະບານ ກະຊວງ ພະລັງງານ ແລະບໍ່ແຮ່ ໄດ້ຈັດການແຂ່ງຂັນສີມືແຮງງານລະດັບຊາດ ໃນຂະແໜງຂອງຕົນຂື້ນຢ່າງເປັນທາງການ ລະຫວ່າງວັນທີ 25-27 ເມສາ2019 ຢູ່ສູນຝຶກອົບຮົມລັດວິສາຫະກິດໄຟຟ້າລາວ, ບ້ານໂຊກປ່າຫຼວງ, ເມືອງສີສັດຕະນາກ, ນະຄອນຫຼວງວຽງຈັນ. ໂດຍໃຫ້ກຽດເຂົ້າຮ່ວມຂອງ ສະຫາຍ ທອງພັດ ອິນທະວົງ ຮອງເລຂາຄະນະພັກ, ຮອງລັດຖະມົນຕີກະຊວງ ພະລັງງານ ແລະ ບໍ່ແຮ່, ສະຫາຍ ສີມຸນ ອຸ່ນລາສີ ຮອງປະທານສູນກາສະຫະພັນກຳມະບານລາວ, ນອກຈາກນີ້ຍັງມີ ທ່ານ ຮອງລັດຖະມົນຕີ, ຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າກົມ, ສະຖາບັນ, ລັດວິສາຫະກິດ, ຄະນະບໍລິຫານງານກຳມະບານກະຊວງ, ພະນັກງານ-ກຳມະກອນເຂົ້າຮ່ວມຢ່າງຫຼວງຫຼາຍ.
ໃນໂອກາດກ່າວລາຍງານຕໍ່ພິທີໄຂງານແຂ່ງຂັນ ສະຫາຍ ບຸນທຽມ ໄຊສົງຄາມ ກຳມະການຄະນະບໍລິຫານງານສູນກາງກຳມະບານລາວ, ປະທານສະຫະພັນກຳມະບານກະຊວງກ່າວວ່າ: ການແຂ່ງຂັນສີມືແຮງງານທົ່ວຂະແໜງພະລັງງານ ແລະ ບໍ່ແຮ່ ຄັ້ງນີ້ຖືວ່າເປັນຄັ້ງທີ 3 ແລ້ວ, ໂດຍມີຈຸດປະສົງເພື່ອສົ່ງເສີມ, ພັດທະນາ ແລະ ຍົກລະດັບສີມືແຮງງານຂອງພະນັກງານ-ກຳມະກອນ ໃນຂົງເຂດພະລັງງານ ແລະ ບໍ່ແຮ່, ພ້ອມກັນນີ້ ຍັງເປັນການສ້າງຂະບວນການເພື່ອສະເຫຼີມສະຫຼອງວັນກຳມະກອນສາກົນຄົບຮອບ 133 ປີ ( ວັນທີ 1 ພຶດສະພາ 1886 – 1 ພຶດສະພາ 2019). ສະຫາຍ ປະທານ ສະຫະພັນກຳມະບານກະຊວງ ກ່າວຕື່ມວ່າ: ການແຂ່ງຂັນໃນປີນີ້ ມີທີມເຂົ້າຮ່ວມທັງໝົດ 35 ພາກສ່ວນ, ໃນ 4 ຫົວຂໍ້ໃຫຍ່ ແລະ 14 ຫົວຂໍ້ຍ່ອຍ, ຜ່ານການແຂ່ງຂັນຕະຫຼອດໄລຍະ 3 ວັນ ສາມາດສະຫຼຸບໄດ້ດັ່ງນີ້: ຫົວຂໍ້ທີ່ 1: ກຸ່ມແນວຄິດສ້າງສັນສູ່ການສ້າງນະວັດຕະກຳ ປະກອບມີ 3 ຫົວຂໍ້: ປະເພດການຂຽນ ໂປຣແກມ ທີ່ 1: ກົມຈັດຕັ້ງ ແລະ ພະນັກງງານ, ທີ່ 2 ແລະ 3 ຝ່າຍບຸກຄາລາກອນຫ້ອງການຈັດຕັ້ງ ລັດວິສາຫະກິດໄຟຟ້າລາວ; ປະເພດການສ້າງອຸປະກອນ ທີ່ 1: ລັດວິສາຫະກິດກໍ່ສ້າງ ແລະຕິດຕັ້ງໄຟຟ້າ, ທີ່ 2 ສູນຝຶກ ໄຟຟ້າລາວ,ທີ່ 3: ຟຟລ ສາຂາ ແຂວງ ຊຽງຂວາງ; ປະເພດການຈັດເກັບເອກະສານ ທີ່1: ລັດວິສາຫະກິດກໍ່ສ້າງ ແລະ ຕິດຕັ້ງໄຟຟ້າ, ທີ່2 ຟຟລ ສາຂາ ແຂວງຈຳປາສັກ, ທີ່ 3 ຟຟລ ສາຂາແຂວງໄຊສົມບູນ. ຫົວຂໍ້ທີ່2 : ພາກພະລັງງານປະກອບມີ 5 ຫົວຂໍ້. ປະເພດຕິດຕັ້ງແລະ ກວດກາໝໍ້ແປງ ທີ່1: ຟຟລສາຂາແຂວງ ອຸດົມໄຊ, ທີ່2 ຟຟລ ສາຂາແຂວງ ໄຊຍະບູລີ ແລະ ທ່ີ 3 ສາຂາເມືອງປາກງື່ມ; ປະເພດຕິດຕັ້ງລະບົບ 22 ກິໂລໂວນ ທີ່1: ຟຟລສາຂາແຂວງ ອຸດົມໄຊ, ທີ່ 2 ຟຟລ ສາຂາ ແຂວງ ຫຼວງພະບາງ ແລະ ທີ່3 ຟຟລ ສາຂາແຂວງ ຈຳປາສັກ; ປະເພດຕິດຕັ້ງດອກກັ້ນໄຟ ແລະ ດຶງສາຍໄຟ 115 ກິໂລໂວນ ທີ່1: ຫ້ອງການສ້ອມແປງສາຍສົ່ງ ຟຟລ, ທີ່2: ຟຟລ ສາຂາແຂວງ ວຽງຈັນ ແລະ ທີ່3 ກຳມະບານ ຟຟລ; ປະເພດຕິດຕັ້ງລະບັບປ້ຳນ້ຳ ທີ່1: ຟຟລ ສາຂາແຂວງຊຽງຂວາງ, ທີ່2 ຟຟລ ສາຂາແຂວງຫຼວງພະບາງ ແລະ ທີ່ 3 ສູນຝຶກ ຟຟລ; ປະເພດກົດໝາຍວ່າດ້ວຍໄຟຟ້າ ທີ່1: ກົມນິຕິກຳ, ທີ່ 2 ກົມທຸລະກິດພະລັງງານ ແລະ ທີ່ 3 ຝ່າຍການເງິນ ຟຟລ. ຫົວຂໍ້ທີ່3: ກຸ່ມທໍລະນີສາດ-ແຮ່ທາດ ແລະ ບໍ່ແຮ່ ປະກອບມີ 2 ຫົວຂໍ້. ປະເພດກົດໝາຍວ່າດ້ວຍແຮ່ທາດ ທີ່1: ກົມນິຕິກຳ, ທີ່ 2 ແລະ ທີ່ 3 ກົມຄຸ້ມຄອງບໍ່ແຮ່; ປະເພດບ້າງຄຳ ທີ່1: ວິທະຍາໄລຊັບພະວິຊາ, ທີ່ 2 ລັດວິສາຫະກິດພັດທະນາແຮ່ທາດລາວ ແລະ ທີ່3 ກົມທໍລະນີສາດ-ແຮ່ທາດ. ຫົວຂໍ້ທີ່4: ພາກວຽກງານບໍລິຫານ-ບຸກຄາລາກອນ ປະກອບມີ 3 ຫົວຂໍ້. ປະເພດບໍລິຫານກອງປະຊຸມ ທີ່1: ຟຟລ ສາຂາແຂວງ ຈຳປາສັກ, ທີ່ 2 ກົມທຸລະກິດພະລັງງານ ແລະ ທີ່ 3 ຟຟລ ສາຂາແຂວງ ຫຼວງນ້ຳທາ; ປະເພດເກັບກຳຂໍ້ມູນທາງເອເລັກໂຕຣນິກ ທີ່1: ຝ່າຍນະໂຍບາຍຄະນະອຳນວຍການໃຫຍ່ ຟຟລ, ທີ່2 ຫ້ອງການກະຊວງ ແລະ ທີ່ 3 ກົມຄຸ້ມຄອງບໍ່ແຮ່; ປະເພດການສ້າງບຸກຄາລາກອນສູ່ຜົນສຳເລັດ ທີ່1: ກົມຈັດຕັ້ງ ແລະພະນັກງານ, ທີ່ 2 ກົມນະໂຍບາຍ ແລະ ແຜນພະລັງງານ ແລະ ທີ່ 3 ຝ່າຍນະໂຍບາຍ ຟຟລ. ສຳລັບລາງວັນ ທີມທີ່ໄດ້ຊະນະເລີດໄດ້ຮັບຫຼຽນຄຳ 1 ຫຼຽນ; ຮອງຊະນະເລີດ ໄດ້ຮັບຫຼຽນເງິນ 1 ຫຼຽນ ແລະ ທີ່ 3 ໄດ້ຮັບຫຼຽນທອງ 1 ຫຼຽນ.

X