• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ຕ້ອນຮັບຄະນະຜູ້ແທນມະຫາວິທະຍາໄລ ຄູນຫມິງ

ຕອນເຊົ້າຂອງວັນທີ 25 ມີຖຸນາ 2018 ທ່ານ ປອ ຄຳມະນີ ອິນທິລາດ ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ພ້ອມດ້ວຍຄະນະໄດ້ຕ້ອນຮັບການເຂົ້າຢ້ຽມຄຳນັບຂອງທ່ານ Ma wen hui ຮອງອະທິການບໍດີ ມະຫາວິທະຍາໄລ ວິທະຍາສາດ ແລະ ເຕັກໂນໂລຊີ ຄຸນໝິງ (ສປ ຈີນ), ພ້ອມດ້ວຍຄະນະ ເຂົ້ຢ້ຽມຂ່່ຳນັບເນື່ອງໃນໂອກາດເດີນທາງຢ້ຽມຢາມ ສປປລາວ ແລະ ເຂົ້າຮ່ວມປະຊຸມ ປຶກສາຫາລືໃນການຊ່ວຍເຫຼືອຍົກລະດັບຄວາມຮູ້ຄວາມສາມາດດ້ານວິຊາສະເພາະໃຫ້ແກ່ວິຊາການຂອງກະຊວງ ແລະ ຍັງຊ່ວຍເຫຼືອໃນການສ້າງຫ້ອງທົດລອງ ແລະ ວິໄຈ ໃຫ້ແກ່ກະຊວງນຳອີກ, ໃນລະຫວ່າງວັນທີ 25-27 ມິຖຸນາ 2018 ຢູ່ທີ່ນະຄອນຫຼວງວຽງຈັນ. ໃນໂອກາດດັ່ງກ່າວນີ້, ທ່ານ ລັດຖະມົນຕີ ໄດ້ຕາງໜ້າຄະນະນຳ, ພະນັກງານ-ລັດຖະກອນ ແລະ ກຳມະກອນ ທົ່ວກະຊວງ ພະລັງງານ ແລະ ບໍ່ແຮ່ ໄດ້ສະແດງຄວາມຕ້ອນຮັບຢ່າງອົບອຸ່ນ ຄະນະນຳ, ມະຫາວິທະຍາໄລວິທະຍາສາດ ແລະ ເຕັກໂນໂລຊີ ຄຸນໝິງ(ສປ ຈີນ) ທີ່ໄດ້ເດີນທາງຢ້ຽມຢາມ ສປປ ລາວ ດິນແດນທີ່ສວຍງາມ ແລະ ອຸດົມຮັ່ງມີ. ພ້ອມກັນນີ້, ທ່ານເຫັນດີໃນການຊ່ວຍ ເຫຼືອດັ່ງກ່າວ ແລະ ຍັງໄດ້ສະເໜີຫຍໍ້ກ່ຽວກັບຜົນສຳເລັດຂອງ ສປປລາວໃນການພັດທະນາເສດຖະກິດ-ສັງຄົມ ໂດຍສະເພາະແມ່ນວຽກງານພະລັງງານ ແລະ ບໍ່ແຮ່ທີ່ມີລັກສະນະພົ້ນເດັ່ນ ແລະ ກ້າວກະໂດດຕະຫຼອດໄລຍະ 40 ປີ ທີ່ຜ່ານມາ.ທ່ານ ລດັຖະມົນຕີ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ຄະນະ ມະຫາວິທະຍາໄລ ວິທະຍາສາດແລະ ເຕັກໂນໂລຊີ ຄຸນໝິງ (ສປ ຈີນ) ທີ່ໄດ້ເຂົ້າພົບປະ ແລະ ຢ້ຽມຢາມກະຊວງພະລັງງານ ແລະ ບໍ່ແຮ ຄັ້ງນີ້່. ສ່ວນ ທ່ານMa wen hui ກໍ່ໄດ້ສະແດງຄວາມຂອບອົກຂອບໃຈຕໍ່ ທ່ານ ລັດຖະມົນຕີພ້ອມຄະນະທີ່ໄດ້ສະຫຼະເວລາອັນມີຄ່າ
ໃຫ້ການຕ້ອນຮັບ ພ້ອມທັງສະແດງຄວາມຍ້ອງຍໍຊົມເຊີຍຕໍ່ຜົນສຳເລັດ ຂອງສປປລາວໃນການພັດທະນາ ແລະ ສ້າງສາພັດທະນາປະເທດຊາດ, ເຮັດໃຫ້ສປປລາວນັບມື້ ນັບມີບົດບາດສູງເດັ່ນຂຶ້ນໃນເວທີພາກພື້ນ ແລະ ສາກົນ.

X