• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ລັດຖະບານ ອະນຸມັດໃຫ້ບໍລິສັດເອກະຊົນຈາກ ສປ ຈີນ ສຶກສາສຳຫຼວດຄວາມເປັນໄປໄດ້ໃນການພັດທະນາໄຟຟ້າແສງຕາເວັນ

ເພື່ອເຮັດໃຫ້ການຂຸດຄົ້ນທ່າແຮງບົ່ມຊ້ອນທີ່ມີ ນຳມາໝູນໃຊ້ເພື່ອຜົນປະໂຫຍດລວມຂອງຊາດໄດ້ຢ່າງມີປະສິດທິຜົນ, ໂດຍສະເພາະແມ່ນທ່າແຮງດ້ານພະລັງງານສະອາດເຊິ່ງເປັນພະລັງງານທີ່ເປັນມິດກັບສິ່ງແວດລ້ວມ. ດັ່ງນັ້ນ, ລັດຖະບານ ຈຶ່ງໄດ້ຕົກລົງອະນຸຍາດໃຫ້ບໍລິສັດ Wang Investment Sole.,Ltd ເຊິ່ງເປັນບໍລິສັດຈາກ ສປ ຈີນ ສຶກສາ-ສຳຫຼວດຄວາມເປັນໄປໄດ້ໃນການພັດທະນາພະລັງງານໄຟຟ້າແສງຕາເວັນ ຢູ່ເມືອງຊານໄຊ ແຂວງອັດຕະປື. ພິທີດັ່ງກ່າວໄດ້ຈັດຂື້ນຢ່າງເປັນທາງການໃນຕອນແລງວັນທີ 23 ເມສາ 2019 ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ຕາງໜ້າລັດຖະບານ ແລະ ທ່ານ Wang Teng You ປະທານບໍລິສັດຕາງໜ້າໃຫ້ບໍລິສັດ. ໂດຍມີ ທ່ານ ຈັນໂທ ມີລັດຕະນາແພງ ວ່າການຫົວໜ້າສະຖາບັນສົ່ງເສີມພະລັງງານທົດແທນ, ກະຊວງພະລັງງານ ແລະ ບໍ່ແຮ່ ແລະ ທ່ານ ສຸລິວັນ ພອນແກ້ວ ຫົວໜ້ພະແນກແຜນການ ແລະ ການລົງທຶນ ແຂວງອັດຕະປືໂດຍ ຊ່ອງໜ້າການເຂົ້າຮ່ວມ ແລະ ເປັນສັກຂີພິຍານຂອງ ທ່ານ ປອ.ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ແລະ ທ່ານ ສຸກສະໄໝ ຈັນທະມາດ ຮອງເຈົ້າແຂວງໆອັດຕະປື ນອກຈາກນີ້ຍັງມີບັນດາຫົວໜ້າ – ຮອງຫົວໜ້າຫ້ອງການ, ຫົວໜ້າ – ຮອງຫົວໜ້າກົມ, ສະຖາບັນ, ຫົວໜ້າພະແນກ, ເຂົ້າຮ່ວມຢ່າງພ້ອມພຽງ.

X