• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ມະຫາວິທະຍາໄລ ນະຄອນພະນົມ ຢ້ຽມຢາມ ແລະ ທັດສະນະສຶກສາ ຢູ່ ກະຊວງ ພະລັງງານ ແລະ ບໍ່ແຮ່

ຕອນເຊົ້າວັນທີ 2 ເມສາ 2018 ຢູ່ກະຊວງ ພະລັງງານ ແລະ ບໍ່ແຮ່ ທ່ານ ອະທິການບໍດີມະຫາວິທະຍາໄລນະຄອນພະນົມ, ຣາຊະອານາຈັກໄທ ພ້ອມດ້ວຍຄະນະ ໄດ້ເຂົ້າຢ້ຽມຢາມ, ພົບປະ ກັບກະຊວງ ພະລັງງານ ແລະ ບໍ່ແຮ່ ສປປລາວ ນຳໂດຍ ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງ ພະລັງງານ ແລະ ບໍ່ແຮ່ ພ້ອມດ້ວຍບັນດາ ທ່ານ ຫົວໜ້າຫ້ອງການກະຊວງ, ຫົວໜ້າກົມ, ຫົວໜ້າສະຖາບັນ ແລະ ລັດວິສາຫະກິດອ້ອມຂ້າງກະຊວງເຂົ້າຮ່ວມ.

ໃນໂອກາດດັ່ງກ່າວນີ້, ທ່ານ ລັດຖະມົນຕີ ໄດ້ຕາງໜ້າຄະນະນຳ, ພະນັກງານ-ລັດຖະກອນ ແລະ ກຳມະກອນ ທົ່ວກະຊວງ ພະລັງງານ ແລະ ບໍ່ແຮ່ ໄດ້ສະແດງຄວາມຕ້ອນຮັບຢ່າງອົບອຸ່ນ ຄະນະນຳ, ພະນັກງານ-ຄູອາຈານ ມະຫາວິທະຍາໄລນະຄອນພະນົມ ທີ່ໄດ້ເດີນທາງຢ້ຽມຢາມ ສປປລາວ ດິນແດນທີ່ສວຍງາມ ແລະ ອຸດົມຮັ່ງມີ. ພ້ອມກັນນີ້, ທ່ານ ຍັງໄດ້ສະເໜີຫຍໍ້ກ່ຽວກັບຜົນສຳເລັດຂອງ ສປປລາວ ໃນການພັດທະນາເສດຖະກິດ-ສັງຄົມ ໂດຍສະເພາະ ແມ່ນວຽກງານພະລັງງານ ແລະ ບໍ່ແຮ່ ທີ່ມີລັກສະນະພົນເດັ່ນ ແລະ ກ້າວກະໂດດ ຕະຫຼອດໄລຍະ 40 ປີ ທີ່ຜ່ານມາ.  ໂດຍສະເພາະແມ່ນວຽກງານພະລັງງານ ມາຮອດເດືອນ ກຸມພາ 2018 ສປປລາວ ມີແຫຼ່ງຜະລິດພະລັງງານ ທັງໝົດ 53 ແຫ່ງ, ລວມກຳລັງຕິດຕັ້ງ 7.082 MW, ​ສາມາດຜະລິດພະລັງງານໄດ້ ປະມານ 37.028 GWh/ປີ; ມີສະຖານີໄຟຟ້າທີ່ກໍ່ສ້າງສຳເລັດ ແລະ ເປີດການນໍາໃຊ້ແລ້ວ 65 ແຫ່ງ ໃນນັ້ນ, ສະຖານີ 230 /115 /22kV ມີ 7 ແຫ່ງ; ສະຖານີ 115/22kV ມີ 55 ແຫ່ງ; ສະຖານີ T-Off 115kV ມີ 1 ແຫ່ງ; ສະຖານີ 35/ 22kV ມີ 1 ແຫ່ງ ແລະ ສະຖານີ 34,5/22kV ມີ 1 ແຫ່ງ, ລວມຄວາມ​ຍາວທັງ​ໝົດ 58.164,96km.  

ສ່ວນວຽກງານທໍລະນີສາດ-ແຮ່ທາດ ແລະ ບໍ່ແຮ່, ລັດຖະບານ ກໍ່ຄືກະຊວງ ພະລັງງານ ແລະ ບໍ່ແຮ່ ສຳເລັດການສຶກສາ, ຊອກຄົ້ນ ຈຸດປະກົດຂອງແຮ່ທາດ ໃນນີ້ສາມາດຄົ້ນພົບຈຸດປາກົດແຮ່ທາດໄດ້ຫຼາຍກວ່າ 570 ຈຸດ, ໃນຂອບເຂດເນື້ອທີ່ປະມານ :  162.104 ກມ2 ກວມເອົາ 68,46% ຂອງເນື້ອທີ່ທົ່ວປະເທດ;  ມາຮອດປະຈຸບັນມີ 649 ບໍລິສັດ ມີ   942  ກິດຈະການ ທີ່ພວມດຳເນີນການຊອກຄົ້ນ, ສຳຫຼວດ ແລະ ຂຸດຄົ້ນ. ຕອນທ້າຍ ທ່ານ ລັດຖະມົນຕີ ຍັງສະເໜີໃຫ້ເຫັນເຖິງ 7 ຍຸດທະສາດບຸລິມະສິດ ການພັດທະນາຂອງຂະແໜງພະລັງງານ ແລະ ບໍ່ແຮ່ ຄື :

  1. ການພັດທະນາແຫຼ່ງພະລັງງານໄຟຟ້າ ແລະ ພະລັງງານອື່ນໆ ແບບຍືນຍົງ.
  2. ການພັດທະນາຂະຫຍາຍລະບົບສາຍສົ່ງໄຟຟ້າແຫ່ງຊາດ ແລະ ການເຊື່ອມໂຍງພະລັງງານກັບພາກພື້ນ ແລະ ສາກົນ
  3. ການພັດທະນາ ແລະ ຂະຫຍາຍການຊົມໃຊ້ໄຟຟ້າແບບຖາວອນໂດຍລາຄາທີ່ສົມເຫດສົມຜົນ.
  4. ສົ່ງເສີມການນໍາໃຊ້ໄຟຟ້າເຂົ້າໃນລະບົບໂທລະຄົມມະນາຄົມ ແລະ ຂົນສົ່ງ.
  5. ສົ່ງເສີມການປະຢັດ ແລະ ອານຸລັກພະລັງງານ.
  6. ການຊອກຮູ້ ແລະ ປະເມີນທ່າແຮງຊັບພະກອນແຮ່ທາດໃຫ້ມີປະສິດທິພາບ ແລະ ປະສິດທິຜົນ.
  7. ການນໍາໃຊ້ຊັບພະກອນແຮ່ທາດໃຫ້ມີປະສິດທິພາບ ແລະ ປະສິດທິຜົນ.
X