• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ພິ​ທີ​ເປີດ​ການ​ກໍ່​ສ້າງ ໂຄງ​ການ​ເຂື່ອນ​ໄຟ​ຟ້າ ນ້ຳ​ງຶ່ມ 1 ພາກ​ຂະ​ຫຍາຍ ຈັກ​ເບີ 6

ໃນວັນທີ 20 ຕຸລາ 2017 ໄດ້ມີພິທີເປີດການກໍ່ສ້າງໂຄງການເຂື່ອນໄຟຟ້ານ້ຳງື່ມ 1 ພາກຂະຫຍາຍຈັກເບີ 6 ຢ່າງເປັນທາງການ. ໃນພິທີດັ່ງກ່າວ ໃຫ້ກຽດເປັນປະທານໂດຍ ທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ວີດົງ ໄຊຍະສອນ ເຈົ້າແຂວງ ແຂວງວຽງຈັນ, ທ່ານ ທາເຄຊິ ຮິກິຮາຣາ ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງປະເທດຍີ່ປຸ່ນ ປະຈຳ ສປປ ລາວ, ຫົວຫນ້າອົງການ JICA ປະຈຳ ສປປ ລາວ, ຄະນະອຳນວຍການໃຫຍ່ ລັດວິສາຫະກິດໄຟຟ້າລາວ ແລະ ແຂກທີ່ຖືກເຊີນເຂົ້າຮ່ວມ. ໃນພິທີດັ່ງກ່າວ ທ່ານ ບຸນອູ້ມ ສີວັນເພັງ ຜູ້ອຳນວຍການໃຫຍ່ ລັດວິສາຫະກິດໄຟຟ້າລາວ ໄດ້ລາຍງານກ່ຽວກັບປະຫວັດຄວາມເປັນມາຂອງ ເຂື່ອນໄຟຟ້ານ້ຳງື່ມ 1 ໂດຍໂຄງການ ເຂື່ອນໄຟຟ້ານ້ຳງື່ມ 1 ພາກຂະຫຍາຍຈັກເບີ 6 ແມ່ນໂຄງການຫນຶ່ງຂອງລັດຖະບານ ເປັນໂຄງການເພື່ອຂະຫຍາຍກຳລັງຕິດຕັ້ງເພີ່ມຂຶ້ນ 40MW ຈາກ 155MW, ເຊິ່ງໂຄງການດັ່ງກ່າວ ແມ່ນເປັນໂຄງການທຳອິດຂອງ ສປປ ລາວ ທີ່ມີການເຈາະເຂື່ອນໄຟຟ້າເດີມ ເພື່ອຕິດຕັ້ງເຄື່ອງຈັກເພີ່ມ, ເຖິງແມ່ນວ່າຈະບໍ່ແມ່ນໂຄງການຂະຫນາດໃຫຍ່ ແຕ່ກໍມີຄວາມຫຍຸ້ງຍາກພໍສົມຄວນ ເນື່ອງຈາກຂໍ້ຈຳກັດຂອງການກໍ່ສ້າງໃນຫລາຍດ້ານ, ດັ່ງນັ້ນ ເພື່ອໃຫ້ໂຄງການດັ່ງກ່າວມີຄຸນະພາບ ແລະ ໄດ້ມາດຕະຖານ, ທຸກຂັ້ນຕອນຂອງການກໍ່ສ້າງແມ່ນດຳເນີນໂດຍບຸກຄະລາກອນທີ່ມີປະສົບການສູງ, ເຊິ່ງມູນຄ່າຂອງການກໍ່ສ້າງທັງຫມົດແມ່ນ 5,545 ລ້ານເຢນ (JPY) ຫລື ປະມານ 407,349 ລ້ານກີບ. ເຊິ່ງໂຄງການດັ່ງກ່າວຈະເປັນໂຄງການທີ່ມີປະສິດທິພາບສູງໃນການຜະລິດກະແສໄຟຟ້າເພື່ອຮັບໃຊ້ເສດຖະກິດ-ສັງຄົມຂອງ ສປປ ລາວ.

 


X