• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ບໍລິສັດ ໄຟຟ້ານ້ຳເທີນ 2 ຈຳກັດ ຊ່ວຍເຫຼືອແນວພັນເຂົ້າໃຫ້ແຂວງ ຄຳມ່ວນ

ໂດຍເຫັນໄດ້ເຖິງຄວາມຈຳເປັນແລະ ຄວາມສຳຄັນ ໃນການຟື້ນຟູການຜະລິດກະສິກຳຕິດພັນກັບການດຳລົງຊິວິດຂອງປະຊາຊົນຊາວແຂວງ ຄຳມ່ວນ ທີ່ໄດ້ຮັບຜົນກະທົບຈາກໄພນ້ຳຖ້ວມ ໃນໄລຍະຜ່ານມາໃຫ້ກັບຄືນສູ່ສະພາບປົກກະຕິ. ບໍລິສັດ ໄຟຟ້ານ້ຳເທີນ2 ຈຳກັດຈຶ່ງໄດ້ມອບແນວພັນເຂົ້າຈຳນວນ 9 ໂຕນ ຄິດເປັນມູນຄ່າປະມານ 42 ກວ່າລ້ານກີບ. ພິທີດັ່ງກ່າວ ໄດ້ຈັດຂື້ນໃນຕົ້ນເດືອນພະຈິກ ທີ່ຜ່ານມາ ຢູ່ຫ້ອງວ່າການປົກຄອງແຂວງ ໂດຍໃຫ້ກຽດກ່າວມອບຂອງ ທ່ານ ໂອລີເວີເຢ ດີດຣີ ຜູ້ອຳນວຍການໃຫຍ່ບໍລິສັດ ໄຟຟ້ານໍ້າເທີນ2 ຈຳກັດ ແລະ ກ່າວຮັບຂອງ ທ່ານ ບຸນມີ ພິມມະສອນ ຮອງເຈົ້າແຂວງໆ ຄຳມ່ວນ ຜູ້ຊີ້ນຳຂົງເຂດເສດຖະກິດ, ໂດຍມີບັນດາ ທ່ານ ຫົວໜ້າພະແນກ, ຮອງພະແນກ ແລະ ພະນັກງານທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມເປັນສັກຄີພິຍານ. ໃນໂອກາດທີ່ມີຄວາມໝາຍສຳຄັນນີ້ ທ່ານ ຮອງເຈົ້າແຂວງ ໄດ້ຕ່າງໜ້າໃຫ້ອຳນາດການປົກຄອງແຂວງ, ເມືອງ ແລະ ບ້ານ ສະແດງຄວາມຂອບໃຈຕໍ່ບໍລິສັດ ໄຟຟ້ານ້ຳເທີນ 2 ຈຳກັດທີ່ເຫັນໄດ້ຄວາມສຳຄັນ ແລະ ຊ່ວຍເຫຼືອປະຊາຊົນຊາວແຂວງ ຄຳມ່ວນເວົ້າລວມ, ເວົ້າສະເພາະແມ່ນພໍ່ແມ່ປະຊາຊົນຜູ້ທີ່ໄດ້ຮັບຜົນກະທົບຈາກໄພນ້ຳຖ້ວມໃນລະຫວ່າງກາງປີທີ່ຜ່ານມາ. ພ້ອມນີ້, ທ່ານ ຍັງໄດ້ສະເໜີໃຫ້ບໍລິສັດ ໄຟຟ້ານ້ຳເທີນ2 ຈຳກັດຄົ້ນຄວ້າພິຈາລະນາໃນການສະໜອງນ້ຳໃຫ້ແກ່ການຜະລິດເຂົ້ານາແຊງຂອງຊາວເມືອງ ຍົມມະລາດ ທີ່ນຳໃຊ້ຊົນລະປະທານຂອງໂຄງການເຂື່ອນໄຟຟ້ານ້ຳເທີນ2 ປະຕູນ້ຳປ່ອງ 3 ຫຼື ນ້ຳໃຕ້ເຮືອນຈັກ ເນື່ອງຈາກວ່າໃນລະດູການຜ່ານມາ ເຂດດ່ັງກ່າວປະສົບກັບບັນຫາຂາດແຄ້ນນ້ຳ ເພື່ອຫຼໍ່ລ້ຽງຜົນຜະທາງກະສິກຳໜັກໜ່ວງພໍສົມຄວນ. ເຮັດໃຫ້ການຜະລິດບໍ່ຕໍ່ເນື່ອງ, ໂດຍສະເພາະແມ່ນໃນຊ່ວງໄລຍະເດືອນ 12-1 ຂອງທຸກໆປີ. ສ່ວນ ທ່ານ ໂອລີວີເຢ ດີດຣີ ຜູ້ອຳນວຍການໃຫຍ່ບໍລິສັດ ໄຟຟ້ານ້ຳເທີນ2 ຈຳກັດ ກໍ່ໄດ້ຮັບຂໍ້ສະເໜີຂອງ ທ່ານຮອງເຈົ້າແຂວງ ພ້ອມທັງຈະນຳໄປພິຈາລະນາ ແລະ ແກ້ໄຂ ຕາມການສະເໜີດັ່ງກ່າວ.

X