• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ນາຍົກລັດຖະມົນຕີ ລົງຕິດຕາມ ການຊ່ວຍເຫຼືອຜູ້ປະສົບໄພນໍ້າຖ້ວມຢູ່ເເຂວງວຽງຈັນ

ນາຍົກລັດຖະມົນຕີ ເນັ້ນໃຫ້ ການນໍາເເຂວງວຽງຈັນ ຮ່ວມກັບພາກສ່ວນກ່ຽວຂ້ອງເລັ່ງຊ່ວຍເຫຼືອປະຊາຊົນຜູ້ປະສົບໄພພ້ອມ ທັງຮັບປະກັນຄວາມປອດໄພດ້ານຊີວິດ ເເລະ ຊັບສິນຂອງປະຊາຊົນພ້ອມທັງສະເໜີໃຫ້ເຂື່ອນນໍ້ານໍ້າ ງືມສ້າງຕັ້ງກອງທຶນໃດໜຶ່ງຂຶ້ນມາ ເພື່ອຊ່ວຍເຫຼືອປະຊາຊົນປຜູ້ປະສົບໄພນໍ້າຖ້ວມ. ນອກຈາກນີ້, ຍັງເເນະນໍາໃຫ້ເຂື່ອນນໍ້າງື່ນ 1 ບໍລິຫານຈັດການນໍ້າໃຫ້ເປັນລະບົບ ເພື່ອບໍ່ໃຫ້ສົ່ງຜົມກະທົບຕໍ່ປະຊາຊົນຢູ່ລຸ່ມເຂື່ອນ. ຂະນະທີ່ເຂື່ອນ
ນໍ້າງື່ນຫຼຸດລົງເລື້ອຍໆ. ຫຼັງຈາກເຂື່ອນນໍ້າງື່ນ 1 ຫຼຸດການປ່ອຍນໍ້າຈາກ 4,5 ເເມັດໃນຄືນວັນທີ 4 ກັນຍາຜ່ານມາ
ມາເປັນ 3,5 ເເມັດ ໃນວັນທີ 6 ກັນຍາ. ເມື່ອວັນທີ 6 ກັນຍານີ້ ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມຄະນະ
ໄດ້ລົງຕິດຕາມສະພາບນໍ້າຖ້ວມຢູ່ເມືອງທຸລະຄົມ ເເຂວງວຽງຈັນ, ທ່ານ ວິດົງ ໄຊຍະສອນ ເຈົ້າເເຂວງໆວຽງຈັນ ໄດ້
ລາຍງານວ່າ: ຫຼັງຈາກທີ່ເຂື່ອນນໍ້າງື່ມໄດ້ເປີດປະຕູນໍ້າລົ້ມ ເຮັດໃຫ້ນໍ້າງື່ນໄດ້ໄຫຼເຂົ້າຖ້ວມບ້ານເຮືອນຂອງປະຊາຊົນຕັ້ງເເຕ່ວັນທີ 5 ກັນຍາ ນໍ້າງື່ນໄດ້ຍື່ງຂື້ນຖ້ວມບ້ານເຮືອນປະຊາຊົນຈໍານວນ 16 ບ້ານ ປະກອບມີ ບ້ານທາດສອນ, ຕານປ່ຽວ, ບ້ານຈຸ້ມ, ບ້ານສຸກສາລາ,ບ້ານເເຈ້ງ, ລິ່ງຊັນ, ຫາດສ້ຽວ,ໂພນເພງ, ບຸ່ງພ້າວ, ຫາດໄຊ, ນາຄອງ, ຖິ່ນຄໍາ, ໂພນເເຮ່, ບ້ານເກິນໃຕ້-ກາງ ເເລະ ບ້ານເກິນເໜືອ. ທ່ານກ່າວອີກວ່າ: ເຫດການນໍ້າຖ້ວມຄັ້ງນີ້ ສົ່ງຜົນໃຫ້ເນື້ອທີ່ນາປີເສຍຫາຍຈໍານວນ 1.750 ເຮັກຕາ, ສວນສາລີເເຂງ 350 ເຮັກຕາ, ສວນຫຍ້າເພື່ອເປັນອາຫານສັດເສຍຫາຍ 268 ເຮັກຕາ, ສາລີຫວານ 15 ເຮັກຕາ. ນອກຈາກນີ້ຍັງມີສວນກ້ວຍ ເເລະ ສວນປູກພືດຜັກອື່ນໆຕື່ມອີກ ທ່ານ ຄໍາມະນີ ອິນທະລາດ ລັດຖະມົນຕີກະຊວງ ພະລັງງານ ເເລະ ບໍ່ເເຮ່ ລາຍງານວ່າ: ຈາກເຫດການພາຍຸຫຼາຍລູກໄດ້ພັດຜ່ານປະເທດເຮົາ ເຮັດໃຫ້ເຂື່ອນນໍ້າງື່ມ 1 ຕ້ອງໄດ້ເປີດປະຕູລະ
ບາຍນໍ້າອອກຈາກໜ້າເຂື່ອນ ຕັ້ງເເຕ່ວັນທີ 14 ສິງຫາ ເປັນຕົ້ນມາ ເເຕ່ທີໜັກກ່ວາໝູ່ເເມ່ນໃນທ້າຍເດືອນສິງຫາ
ເປັນຕົ້ນມາ ເກີດມີຝົນຕົກໜັກຕິດຕໍ່ກັນຫຼາຍວັນເຮັດໃຫ້ມວນນໍ້າໄຫຼລົງເຂົ້າອ່າງເຂື່ອນນໍ້າງື່ມ 1 ເກືອບ 4 ພັນເເມັດ
ກ້ອນຕໍ່ວິນາທີ ບວກໃສ່ກັບເຂື່ອນນໍ້າງື່ມ 2 ກໍໄດ້ເປີດປະຕູເພື່ອປ່ອຍນໍ້າອອກເກືອບ 3 ກ່ວາ ເເມັດກ້ອນຕໍ່ວິນາທີ ໄຫຼ
ເຂົ້າມາຫາເຂື່ອນນໍ້າງື່ມ 1. ນອກຈາກນີ້ຍັງມີມວນນໍ້າຈາກເຂື່ອນນໍ້າຊອງ, ນໍ້າລີກ 1, 2 ເເລະ ເເຫ່ຼງນໍ້າອື່ນໆອີກ ເຮັດ
ໃຫ້ເຂື່ອນນໍ້າງື່ນ 1 ຕ້ອງໄດ້ເປີດປະຕູລະບາຍນໍ້າຈາກເຂື່ອນເພື່ອຄວາມປອດໄພ, ນັບເເຕ່ວັນທີ 4-5 ກັນຍາ ມວນ
ນໍ້າໄດ້ໄຫຼທະລຸເຂົ້າສູ່ນໍ້າງື່ນ 2 ອີກຮອດເຮັດໃຫ້ເຂື່ອນດັ່ງກ່ວາຕ້ອງໄດ້ເປີດປະຕູເພື່ອປ່ອຍນໍ້າອອກສູງປະມານ 4
ເເມັດມາເປັນ 4,50 ເເມັດ ໃນກາງຄືນຂອງວັນທີ 4 ກັນຍາ.ເເນວໃດກໍຕາມຈາກການເປີດປະຕູລະບາຍນໍ້າດັ່ງກ່ວາໄດ້ເຮັດໃຫ້ລະ
ດັບນໍ້າຢູູ່ເຂື່ອນນໍ້າງື່ນ 1 ເລີ່ມຫຼຸດລົງຈຶ່ງໄດ້ປັບການເປີດປະຕູຫຼຸດລົງຈາກ 4,50 ເເມັດມາເປັນ 4ເເມັດໃນຕອນເຊົ້າວັນທີ 6 ກັນຍານີ້,
ສ່ວນລະດັບນໍ້າຢູ່ລຸ່ມເຂື່ອນກໍໄດ້ເລີ່ມຫຼຸດລົງຕາມລໍາດັບ. ທ່ານ ລຽນ ທີເເກ້ວ ລັດຖະມົນຕີ ກະຊວງ ກະສິກໍາ ເເລະ ປ່າໄມ້ລາຍງານ ວ່າ: ຈາກເຫດການນໍ້າຖ້ວມປີນີ້ ທົ່ວປະເທດ ມີ້ເນື້ອທີນາເສຍຫາຍ 1 ເເສນກ່ວາເຮັກຕາກວມເອົາ 13% ຂອງເນື້ອທີນາທັງໝົດ. ນອກຈາກນີ້ເນື້ອທີປູກພືດຜັກ 10 ພັນກ່ວາເຮັກຕາ ຊຶ່ງກະຊວງ ກະສິກໍາ ເເລະ ປ່າໄມ້ ໄດ້ກຽມເເນວພັນເຂົ້າປະມານ 1 ເເສນກ່ວາເຮັກຕາ ເພື່ອສະໜອງໃຫ້ຊາວກະສິກອນໄດ້ເຮັດນາເເຊງຫາກທ້ອງຖິ່ນໃດຕ້ອງການເເນວພັນກະຊວງ ກະສິກໍາ ເເລະ ປ່າໄມ້ ກໍພ້ອມສະໜອງໃຫ້, ສໍາລັບຢູ່ເຂດເມືອງທຸລະຄົມ ຊຶ່ງເປັນເຂດປູກພືດຜັກ ເເລະ ລ້ຽງສັດໃຫ່ຍ ຊຶ່ງກະຊວງ ກະສິກໍາ ເເລະ ປ່າໄມ້ ໄດ້ມີເເນວພັນຜັກຈໍານວນໜຶງ່ , ນອກຈາກນີ້ຍັງມີແນວພັນຫຍ້າ ກໍ່ສາມາດຕອບສະໜອງໃຫ້ປະຊາຊົນໄດ້. ທ່ານ ນາຍົກລັດຖະມົນຕີໄດ້ສະເເດງຄວາມເປັນຫ່ວງເປັນໄຍຕໍ່ຜູ້ປະສົບໄພນໍ້າຖ້ວມພ້ອມທັງເນັ້ນໃຫ້ການນໍາເເຂວງຮ່ວມກັບພາກສ່ວນກ່ຽວຂ້ອງ ຕ້ອງເລັ່ງຊ່ວຍເຫຼືອປະຊາຊົນເພື່ອໃຫ້ເຂົາເຈົ້າປອດໄພທັງຊີວິດ ເເລະ ຊັບສິນ, ຊ່ວຍປະຊາຊົນຜູ້ທີ່ຂາດອາຫານ
ການກິນ, ນອກຈາກນີ້ ຫຼັງຈາກນໍ້າບົກເເຫ້ງເເລ້ວ ຕ້ອງເລັ່ງຟຶ້ນຟູຊີວິດການເປັນຢູ່ຂອງປະຊາຊົນໃຫ້ກັບຄືນສູ່ສະ
ພາບປົກກະຕິໂດຍໄວ ພ້ອມທັງສະເໜີໃຫ້ພາກສ່ວນກ່ຽວຂ້ອງເບິ່ງເເຍງຢ່າງໃກ້ຊິດ ເພາະອາດມີພະຍາດລະບາດ
ຂຶ້ນຫຼັງນໍ້າບົກເເຫ້ງ. ຫຼັງຈາກນັ້ນທ່ານນາຍົກໄດ້ຂຶ້ນເຮືອລ່ອງໄປຕາມສາຍນໍ້າງື່ມເພື່ອຕິດຕາມສະພາບຄວາມເສຍຫາຍກ່ອນຈະ ເດີມທາງໄປຢ້ຽມຢາມ ເຂື່ອນນໍ້າງື່ມ1,ທ່ານ ບົວວັນ ຈັນສະຫວັດ ຜູ້ອໍານວຍການບໍລິສັດນໍ້າງື່ມ 1 ລາຍງານວ່າ: ໃນເວລາ 22:00 ໂມງ ຂອງວັນທີ 4 ກັນຍາ ເຂື່ອນນໍ້າງື່ມ 1 ໄດ້ເປີດປະຕູນໍ້າລົ້ມສູງສຸດ 4,50 ເເມັດເຮັດໃຫ້ນໍ້າໄຫຼລົງປະມານ 2,2 ພັນເເມັດກ້ອນຕໍ່ວິນາທີ, ເເນວໃດກໍຕາມຫຼັງຈາກປ່ອຍລະດັບດັ່ງກ່າວໄດ້ເຮັດໃຫ້ນໍ້າໃນໜ້າເຂື່ອນຫຼຸດລົງລວມທັງລະດັບນໍ້າຢູ່ລຸ່ມກໍຫຼຸດລົງຊຶ່ງລະດັບນໍ້າຢູ່ ປາກກະຍຸງ ໃນຕອນເຊົ້າວັນທີ 6 ກັນຍາ ຢູ່ທີ່ 12,28 ເເມັດ ເເລະ ຄາດວ່າຈະຫຼຸດລົງເລື້ອຍໆ. ໃນໂອກາດດັ່ງກ່າວ ທ່ານ ນາຍົກລັດຖະມົນຕີ ໄດ້ສະເໜີໃຫ້ເຂື່ອນນໍ້າງື່ມ 1 ຕັ້ງກອງທຶນໃດໜຶ່ງຂຶ້ນມາເພື່ອເເຮໄວ້ບັນເທົາທຸກໃຫ້ປະຊາຊົນ ຜູ້ປະສົບໄພທີ່ອາດຈະເກີດຂຶ້ນໃນຕໍ່ໜ້າ, ພ້ອມທັງສະເໜີໃຫ້ບໍລິຫານຈັດການນໍ້າໃຫ້ສົ່ງຜົນກະທົບຕໍ່ປະຊາຊົນຜູ້ຢູ່ລຸ່ມເຂື່ອນ ຫຼື ຫາກຈໍາເປັນກໍໃຫ້ມີຜົນກະທົບນ້ອຍທີ່ສຸດ.

 

X