• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ນາຍົກລັດຖະມົນຕີ ລາວ ແລະ ຫວຽດນາມ ເປັນສັກຂີພິຍານ ໃນພິທີມອບ-ຮັບ ໃບຢັ້ງຢືນຊື້ກະແສໄຟຟ້າຈາກໂຄງການນ້ຳຊຳ

ສາທາລະນະລັດ ປະຊາທິປະໄຕ ປະຊາຊົນລາວ ພ້ອມຄະນະໄດ້ເດີນທາງຢ້ຽມຢາມ ແລະ ເຂົ້າຮ່ວມກອງປະຊຸມຄັ້ງທີ 41 ປະຈຳປີ 2019 ຂອງຄະນະກຳມະການຮ່ວມມືທະວີພາຄີ ລະຫວ່າງ ລັດຖະບານລາວ ແລະ ລັດຖະບານຫວຽດນາມ ຢູນະຄອນຫຼວງ ຮ່າໂນ້ຍ, ສສ.ຫວຽດນາມ ລະຫວ່າງວັນທີ 5-6 ມັງກອນ 2019 ທີ່ຜ່ານມາ. ໃນກອງປະຊຸມຄັ້ງນີ້, ນອກຈາກທົບທວນຄືນ ແລະ ຕີລາຄາສູງຕໍ່ບັນດາຜົນສຳເລັດຂອງການຈັດຕັ້ງປະຕິບັດຂໍ້ຕົກລົງວ່າດ້ວຍການຮ່ວມມືສອງຝ່າຍໃນປີ 2018 ໂດຍສະເພາະແມ່ນການຮ່ວມມືດ້ານການລົງທຶນຂອງບັນດາວິສາຫະກິດ ຫວຽດນາມ ຢູ່ ລາວມີທັງໝົດ 409 ໂຄງການ, ລວມມູນຄ່າຫຼາຍກວ່າ 4,1 ຕື້ໂດລາສະຫະລັດຈັດຢູ່ໃນອັນດັບ 3 ຂອງຜູ້ລົງທຶນຕ່າງປະເທດ ຢູ່ ສປປລາວ; ມູນຄ່າການຄ້າລະຫວ່າງສອງປະເທດບັນລຸເຖິງ 1 ຕື້ໂດລາສະຫະລັດ ເພີ່ມຂຶ້ນ 13 % ທຽບໃສ່ໄລຍະດຽວກັນຂອງປີ 2017 ແລະ ກໍ່ເປັນປີທຳອິດທີ່ທັງສອງຝ່າຍບັນລຸລວມຍອດມູນຄ່າການຄ້າຮ່ວມກັນເຖິງ 1 ຕຶ້ໂດລາສະຫະລັດ ແລ້ວ, ທັງສອງຝ່າຍຍັງໄດ້ລົງນາມໃນເອກະສານສຳຄັນຈຳນວນ 6 ສະບັບຄື:
1) ບົດບັນທຶກກອງປະຊຸມຄັ້ງທີ 41 ປະຈຳປີ 2018;
2) ແຜນການຮ່ວມມື ປະຈຳປີ 2019 ຂອງຄະນະກຳມະທິການຮ່ວມມືທະວີພາຄີ ລະຫວ່າງ ສອງລັດຖະບານ;
3) ແຜນການຮ່ວມມື ປະຈຳປີ 2019 ລະຫວ່າງກະຊວງສຶກສາທິການ ແລະ ກິລາ ສປປລາວ ແລະ ກະຊວງ ສຶກສາກໍ່ສ້າງສສ.ຫວຽດນາມ;
4) ການມອບ-ຮັບໂຄງການກໍ່ສ້າງໂຮງຮຽນ 3 ແຫ່ງຄື: ໂຮງຮຽນມັດທະຍົມສົມບູນມິດຕະພາບເຈົ້າອານຸວົງ ຢູ່ແຂວງ ໄຊສົມບູນ, ຫໍພັກນັກສຶກສາຕ່າງປະເທດ ຢູ່ມະຫາວິທະຍາໄລແຫ່ງຊາດ ແລະ ໂຮງຮຽນມັດທະຍົມສົມບູນມິດຕະພາບໄລຍະ II ຢູ່ຫຼັກ 5 ນະຄອນຫຼວງວຽງຈັນ;
5 ) ສູນພາສາຫວຽດນາມຢູ່ມະຫາວິທະຍາໄລ ຈຳປາສັກ ແລະ ສຸພານຸວົງ ;
6) ຂໍ້ຕົກລົງວ່າດ້ວຍການຊ່ວຍເຫຼືອແນວພັນເຂົ້າ ຈຳນວນ 300 ໂຕນຂອງລັດຖະບານ ຫວຽດນາມ ໃຫ້ແກ່ລັດຖະບານ ລາວ 
7) ມອບ-ຮັບໃບຢັ້ງຢືນ ການຮັບຊື້ກະແສໄຟຟ້າຂອງ ຫວຽດນາມ ຈາກໂຄງການໄຟຟານ້ຳຊຳ ຢູ່ ສປປລາວ ຕື່ມອີກ.

X