• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ທ່ານ ເຈົ້າແຂວງໆ ອັດຕະປື ລົງຕິດຕາມ, ຊຸກຍູ້ ການກໍ່ສ້າງບ້ານພັກຖາວອນ

ໃນໄລຍະຕົ້ນດືອນ ມັງກອນທີ່ຜ່ານມາ ທ່ານ ເລັດ ໄຊຍະພອນ ເຈົ້າແຂວງໆ ອັດຕະປື ທັງເປັນຮອງປະທານ, ຜູ້ປະຈຳການ ຄະນະຊີ້ນຳລະດັບຊາດ ເພື່ອແກ້ໄຂ ແລະ ຟື້ນຟູຜູ້ປະສົບໄພພິບັດຈາກເຂື່ອນກັ້ນນ້ຳ ເຊປ່ຽນ-ເຊນ້ຳນ້ອຍ ແຕກຢູ່ເມືອງ ສະໜາມໄຊແຂວງ ອັດຕປື ພ້ອມຄະນະ ໄດ້ລົງເຄື່ອນໄຫວຕິດຕາມ, ຊຸກຍູ້ ແລະກວດກາເບິງຄວາມຄືບໜ້າການກໍ່ສ້າງເຮືອນພັກຊົ່ວຄາວ ແລະ ຖາວອນຂອງຜູ້ປະສົບໄພພິບັດນ້ຳຖ້ວມເມື່ອກາງປີທີ່ຜ່ານມາ ຢູ່ 3 ຈຸດໃຫຍ່ຄື: ສູນດອນບົກ ລວມມີ 125 ຄອບຄົວ, 523 ຄົນ, 175 ຫຼັງຄາເຮືອນ ປະຈຸບັນສ້າງສຳເລັດແລ້ວ 62 ຫຼັງ; ສູນປິນດົງ ລວມມີ 89 ຄອບຄົວ, 90ຫຼັງຄາເຮືອນ ກໍ່ສ້າງສຳເລັດແລ້ວ 15 ຫຼັງ ແລະ ສູນຕະມໍຢອດ ລວມມີ 176 ຄອບຄົວ, 712 ຄົນ, 196 ຫຼັງຄາເຮືອນ, ກໍ່ສ້າງສຳເລັແລ້ວ 103 ຫຼັງ. ໃນໂອກາດລົງເຄື່ອນໄຫວ, ຕິດຕາມ ແລະ ຊຸກຍູ້ການກໍ່ສ້າງຄັ້ງນີ້,ທ່ານ ເຈົ້າແຂວງ ຕາງໜ້າໃຫ້ພັກ, ລັດຖະບານ ກໍ່ຄືອຳນາດການປົກຄອງແຂວງ ໄດ້ໃຫ້ທິດຊີ້ນຳແກ່ບໍລິສັດຜູ້ຮັບເໝົາກໍ່ສ້າງທັງ 5 ບໍລິສັດ ທີ່ກຳລັງປະຕິບັດໜ້າທີ່ຂອງຕົນທີ່ແຕກຕ່າງກັນຄື: ບໍລິສັດ ບຸກເບີກເນື້ອທີ່, ບໍລິສັດກໍ່ສ້າງ-ປະກອບເຮືອນ, ບໍລິສັດ ຕິດຕັ້ງນ້ຳສະອາດ, ບໍລິສັດ ຕິດຕັ້ງວິດຖ່າຍ-ຄອງນ້ຳ ແລະ ບໍລິສັດ ຕິດຕ້ັງໄຟຟ້າກ່ອນອື່ນ ທ່ານ ໄດ້ສະແດງຄວາມຍ້ອງຍໍຊົມເຊີຍຕໍ່ຄວາມເອົາໃຈໃສ່ຂອງບັນດາ ບໍລິສັດ ທີ່ໄດ້ປະຕິບັດສິດໜ້າທີ່ຂອງຕົນສຳເລັດຢ່າງໜ້າເພິງພໍໃຈແຕ່ເພື່ອເຮັດໃຫ້ໂຄງການສຳເລັດຕາມແຜນການ ແລະ ກຳນົດເວລາຂອງລັດຖະບານ, ທ່ານ ເຈົ້າແຂວງກໍ່ໄດ້ນຳເອົາກຳລັງທະຫານຕື່ມອີກຈຳນວນ 120 ຄົນ ເພື່ອຮ່ວມກັນກໍ່ສ້າງໃຫ້ສຳເລັດພາຍໃນເດືອນມັງກອນ 2019 ນີ້.

X