• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ທ່ານ ລັດຖະມົນຕີ ສຳເລັດການເຂົ້າຮ່ວມ ກອງປະຊຸມສາກົນວ່າດ້ວຍການຮ່ວມມື ໜຶ່ງແລວ ໜຶ່ງເສັ້ນທາງ

ລະຫວ່າງວັນທີ 24-27 ເມສາ 2019 ທ່ານ ປອ. ຄຳມະນີ ອິນທິລາດ ລັດຖະມົນຕີກະຊວງ ພະລັງງານ ແລະ ບໍ່ແຮ່ ພ້ອມຄະນະ ໄດ້ເຂົ້າຮ່ວມພິທີເປີດງານການສ້າງຄູ່ຮ່ວມມືດ້ານພະລັງງານ ໃນໂອກາດກອງປະຊຸມສາກົນວ່າດ້ວຍການຮ່ວມມື ໜຶ່ງແລວໜຶ່ງເສັ້ນທາງຢູ່ ນະຄອນຫຼວງປັກກິ່ງ ສປ.ຈີນ ກອງປະຊຸມສຸດຍອດໜຶ່ງແລວ ໜຶ່ງເສັ້ນທາງ ເພື່ອການຮ່ວມມືສາກົນຄັ້ງທີ 02 ພາຍໃຕ້ຫົວຂໍ້ວ່າ: ຮ່ວມກັນສ້າງໜຶ່ງແລວ ໜຶ່ງເສັ້ນທາງ ຮ່ວມກັນສ້າງອະນາຄົດອັນສວຍງາມ. ໃນເວລາປະກອບຄຳເຫັນ ທ່ານ ສີຈິ້ນຜິງ ກ່າວວ່າ: ເມື່ອທຽບກັບຄັ້ງທຳອິດແລ້ວ, ກອງປະຊຸມປີນີ້ມີຂະໜາດໃຫຍ່ກວ່າເກົ່າ, ມີເນື້ອໃນອຸດົມສົມບູນກວ່າເກົ່າ, ບັນດາປະເທດທີ່ຮ່ວມປະຊຸມຫຼາຍຂຶ້ນ ແລະ ໄດ້ຮັບໝາກຜົນຫຼາຍກວ່າເກົ່າ; ທ່ານ ກ່າວຕື່ມວ່າ: ໃນໄລຍະຈັດປະຊຸມ, ພວກເຮົາໄດ້ຈັດພິທີເປີດກອງປະຊຸມ, ໄຂກອງປະຊຸມລະດັບສູງ, ຍັງໄດ້ຈັດເວທີປຶກສາຫາລືຍ່ອຍ 12 ຄັ້ງ ແລະກອງປະຊຸມໃຫຍ່ຂອງນັກທຸລະກິດຂຶ້ນ ໂດຍມີຜູ້ຕາງໜ້າວົງການຕ່າງໆຂອງ 150 ກວ່າປະເທດເຂົ້າຮ່ວມ. ມື້ນີ້ມີບັນດາຜູ້ນຳຈາກ 38 ປະເທດ ພ້ອມກັບຜູ້ຮັບຜິດຊອບ ຂອງອົງການສະຫະປະຊາຊາດ ແລະ ອົງການກອງທຶນການເງິນຕາສາກົນ ໄດ້ຈັດກອງປະຊຸມໂຕະມົນຂຶ້ນ; ໃນກອງປະຊຸມໂຕະມົນມື້ນີ້ບັນດາການນຳ ແລະ ຜູ້ຮັບຜິດຊອບປິ່ນອ້ອມຫົວຂໍ້ຕ່າງໆເປັນຕົ້ນແມ່ນ: ຊຸກຍູ້ການເຊື່ອມຈອດກັນ, ຂຸດຄົ້ນພະລັງແຮງອັນໃໝ່ເພື່ອຊຸກຍູ້ການເຕີບໂຕ, ຊຸກຍູ້ການພັດທະນາແບບສີຂຽວ ແລະ ຍືນຍົງ, ຈັດຕັ້ງປະຕິບັດວາລະການປະຊຸມ 2030 ຂອງອົງການສະຫະປະຊາຊາດ ແລະ ອື່ນໆ; ການປຶກສາຫາລືກັນ, ໄດ້ປັບປຸງທັດສະນະການຮ່ວມມືໃຫ້ສົມບູນຂຶ້ນ, ຕົກລົງຈຸດສຸມຂອງການຮ່ວມມື, ແລະ ເນັ້ນກົນໄກການຮ່ວມມື, ໄດ້ກ້າວເຖິງຂັ້ນມີຄວາມເປັນເອກະພາບກັນຢ່າງກວ້າງຂວາງ ກ່ຽວກັບການຮ່ວມກັນສ້າງໜຶ່ງແລວ ໜຶ່ງເສັ້ນທາງ ໃຫ້ມີຄຸນນະພາບສູງກວ່າເກົ່າ; ຄວາມເປັນເອກະພາບດັ່ງກ່າວໄດ້ຖືກບັນທຶກໄວ້ໃນຖະແຫຼ່ງການຮ່ວມ ທີ່ໄດ້ຮັບການຜ່ານ ຮັບຮອງໃນກອງປະຊຸມໂຕະມົນມື້ນີ້ ເຊິ່ງຈະກາຍເປັນເຂັ້ມທິດຊີ້ນຳນຳພາ ການຮ່ວມມືສາກົນໃນຂອບໜຶ່ງແລວໜຶ່ງເສັ້ນທາງ ໃນຕໍ່ໜ້າ.
ທ່ານ ສີຈິ້ນຜິງ ເນັ້ນຕື່ມອີກວ່າ, ກອງປະຊຸມຄັ້ງນີ້ ໄດ້ສົ່ງຕ່ໍສັນຍານອັນຈະແຈ້ງອັນໜຶ່ງໃຫ້ພາຍນອກໃຫ້ເຫັນວ່າ: ການຮ່ວມມືກັນສ້າງໜຶ່ງແລວໜຶ່ງເສັ້ນທາງ ໄດ້ເຜີຍແຜ່ໄປສູ່ວົງກວ້າງ, ມີໝູ່ຄູ່ນັບມື້ນັບຫຼາຍ, ການຮ່ວມມືມີຄຸນນະພາບນັບມື້ນັບສູງຂຶ້ນ, ການພັດທະນາມີອະນາຄົດນັບມື້ນັບດີຂຶ້ນ; ເຖິງວ່າຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ຈະກຳເນີດຢູ່ຈີນ, ແຕ່ໂອກາດ ແລະ ໝາກຜົນເປັນຂອງທົ່ວໂລກ; ພ້ອມກັນນີ້, ການຮ່ວມກັນສ້າງໜຶ່ງແລວ ໜຶ່ງເສັ້ນທາງ ຖືເປັນໂຄງການໄລຍະຍາວໄກອັນໜຶ່ງ, ຖືເປັນພາລະກິດຮ່ວມຂອງບັນດາຄູ່ຮ່ວມມື; ຈີນຍິນດີຮ່ວມກັບທຸກຝ່າຍຜັນຂະຫຍາຍຄວາມຮັບຮູ້ທີ່ເປັນເອກະສັນກັນທຸກຢ່າງຂອງກອງປະຊຸມສຸດຍອດຄັ້ງນີ້ໃຫ້ດີ, ດ້ວຍນໍ້າໃຈລະອຽດປານີດ, ຮ່ວມກັນຊຸກຍູ້ການຮ່ວມມືສ້າງ ໜຶ່ງແລວໜຶ່ງເສັ້ນທາງໄປສູ່ລວງເລິກຢ່າງແທ້ຈິງ ໜັກແໜ້ນ ມີຄຸນນະພາບດີ ແລະ ເດີນໄປສູ່ກວ້າງໄກ ເພື່ອສ້າງອະນາຄົດອັນສວຍງາມກວ່າເກົ່າ. ນອກຈາກເຂົ້າຮ່ວມກອງປະຊຸມສຸດຍອດໜຶ່ງແລວ ໜຶ່ງເສັ້ນທາງແລ້ວ, ທ່ານ ລັດຖະມົນຕີພ້ອມຄະນະ ຍັງໄດ້ຢ້ຽມຢາມ, ພົບປະ ແລະ ທັດສະນະສຶກສາຢູ່ບັນດາວິສາຫະກິດ ແລະ ບໍລິສັດລົງທຶນດ້ານພະລັງງານ ແລະ ບໍ່ແຮ່ ສປ.ຈີນ ຕື່ມອີກ.

X