• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ທ່ານ ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ຕ້ອນຮັບ ຜູ້ຊ່ວຍ ທ່ານ ລັດຖະມົນຕີກະຊວງ ການຕ່າງປະເທດ ກູເວດ

ຕອນບ່າຍວັນທີ 27 ມີນາ 2018 ຢູ່ຫ້ອງຮັບແຂກກະຊວງ ພະລັງງານ ແລະ ບໍ່ແຮ່, ທ່ານ ປອ ຄຳມະນີ ອິນທິລາດ ກຳມະການສູນກາງ ສູນກາງພັກ, ລັດຖະມົນຕີກະຊວງ ພະລັງງານ ແລະ ບໍ່ແຮ່ ພ້ອມດ້ວຍ ຫົວໜ້າຫ້ອງການກະຊວງ, ຫົວໜ້າກົມ, ສະຖາບັນ ແລະ ຜູ້ອຳນວຍການລັດວິສາຫະກິດອ້ອມຂ້າງກະຊວງ ໄດ້ຕ້ອຮັບການຢ້ຽມຂໍ່ານັບຂອງ ທ່ານ Ali -Ai –Saeed ຜູ້ຊ່ວຍລັດຖະມົນຕີກະຊວງ ການຕ່າງປະເທດ ແຫ່ງ ລັດກູເວດ ພ້ອມຄະນະໃນໂອກາດເດີນຢ້ຽມຢາມ ສປປລ ລະຫວ່າງວັນທີ 25-28 ມີນາ 2018 ຢູ່ນະຄອນຫຼວງວຽງຈັນ.

ການພົບປະ, ປຶກສາຫາລືກັນຄັ້ງນີ້ ທັງສອງຝ່າຍຕ່າງກໍ່ສະແດງຄວາມຍ້ອງຍໍຊົມເຊີຍ ແລະ ຕີລາຄ່າສູງ ຕໍ່ສາຍພົວພັນການຮ່ວມມື ແລະ ລົງທຶນ ລະຫວ່າງ ສອງປະເທດ ທີ່ນັບມື້ ນັບແໜ້ນແຟນຍິ່ງຂຶ້ນ. ກ່ອນອື່ນ ທ່ານ ລັດຖະມົນຕີ ໄດ້ສະແດງຄວາມຕ້ອນຮັບ ທ່ານ ຜູ້ຊ່ວຍລດຖະມົນຕີກະຊວງ ການຕ່າງປະເທດ ພ້ອມຄະນະ ທີ່ໄດ້ເຂົ້າມາພົບປະ, ປຶກສາຫາລື ກັບກະຊວງ ພະລັງງານ ແລະ ບໍ່ແຮ່ ພ້ອມກັນນີ້, ທ່ານ ກໍ່ສະແດງຄວາມຂອບໃຈ ແລະ ຕີລາຄ່າສູງຕໍ່ລັດຖະບານ ກູເວດ ທີ່ໃຫ້ການຊ່ວຍເຫຼືອທາງດ້ານການເງິນ ໃນການກໍ່ສ້າງໂຄງການສາຍສົ່ງ ແລະ ສະຖານີ 115/22 Kv ນໍ້າທຸງ-ຫຼວງນໍ້າທາ-ນາໝໍ້ ທີ່ຫາກໍ່ຈັດພິທີເປີດການນຳໃຊ້ຢ່າງເປັນທາງການໃນຕົ້ນປີນີ້; ລາຍງານຫຍໍ້ ສະພາບການພັດທະນາເສດຖະກິດເສດຖະກິດ-ສັງຄົມຂອງ ສປປລາວ ເວົ້າລວມ, ເວົ້າສະເພາະແມ່ນ ຜົນສຳເລັດ ແລະ ທ່າແຮງ ການພັດທະນາຂະແໜງພະລັງງານ ແລະ ບໍ່ແຮ່ ໃນຕະຫຼອດ 40 ປີທີ່ຜ່ານມາ.

ສ່ວນ ທ່ານ Ali -Ai –Saeed ຜູ້ຊ່ວຍລັດຖະມົນຕີກະຊວງ ການຕ່າງປະເທດ ແຫ່ງ ລັດກູເວດ ກໍ່ໄດ້ສະແດງຄວາມຂອບອົກຂອບໃຈຕໍ່ ທ່ານ ລັດຖະມົນຕີ ພ້ອມຄະນະທີ່ໄດ້ເສຍສະຫຼະເວລາໃຫ້ການຕ້ອນຮັບຢ່າງອົບອຸ່ນ ພ້ອມທັງສະແດງຄວາມຊົມເຊີຍຕໍ່ຜົນສຳເລັດຂອງ ສປປລາວ ໃນການພັດທະນາເສດຖະກິດ-ສັງຄົມ ໂດຍສະເພາະແມ່ນຂະແໜງ ພະລັງງານ ແລະ ບໍ່ແຮ່ ທີ່ເປັນຂະແໜງການຕົ້ນຕໍ່ ແລະ ປາຍແຫຼມ ໃນການຂັບເຄື່ອນເສດຖະກິດເສດແຫ່ງຊາດໃຫ້ມີການຂະຫຍາຍຕົວຢ່າງໝັ້ນທ່ຽງ ດ້ວຍຈັງຫວະສະເລ່ຍ 7% ຕໍ່ປີ. ພ້ອມນີ້, ທ່ານ ຍັງໄດ້ເຊື້ອເຊີນ ທ່ານ ລັດຖະມົນຕີ ພ້ອມຄະນະຢ້ຽມຢາມ ລັດກູເວດ ໃນເວລາທີ່ເໝາະສົມ. ທ່ານ ລັດຖະມົນຕີ ກໍ່ໄດ້ຕອບຮັບການເຊື້ອເຊິນດັ່ງກ່າວດ້ວຍຄວາມຍິນດີ ແລະ ຫວັງຢ່າງຍິ່ງວ່າ ຈະໄດ້ຮັບການຊ່ວຍເຫຼືອຈາກ ລັດຖະບານ ກູເວດ ຕື່ມອີກ.

X