• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ຄະນະພັກກະຊວງ ພະລັງງານ ແລະ ບໍ່ແຮ່ ມອບນາມມະຍົດ ໜ່ວຍພັກເຂັ້ມແຂງ- ຮູ້ນຳພາຮອບດ້ານ ໃຫ້ ໜ່ວຍພັກກົມຈັດຕັ້ງ ແລະ ພະນັກງານ

ຕອນເຊົ້າຂອງວັນທີ 9 ເມສາ 2018 ຢູ່ຫ້ອງປະຊຸມໃຫຍ່ຊັ້ນ 5 ຕຶກເບີ 1, ຄະນະພັກກະຊວງ ພະລັງງານ ແລະ ບໍ່ແຮ່ ໄດ້ຈັດພິທີ ມອບນາມມະຍົດຮັບຮອງເອົາໜ່ວຍພັກກົມ ຈັດຕັ້ງ ແລະ ພະນັກງານ ເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ XIII ປະຈຳປີ 2017 ຂຶ້ນຢ່າງເປັນທາງການ ພາຍໃຕ້ການເປັນປະທານຂອງ ສະຫາຍ ທອງຂັນ ພິມວິໄລ ຄະນະພັກກະຊວງ, ເລຂາໜ່ວຍພັກ, ຫົວໜ້າກົມ ຈັດຕັ້ງ ແລະ ພະນັກງານ. ໃຫ້ກຽດເຂົ້າຮ່ວມຂອງ ສະຫາຍ ທອງພັນ ອິນທະວົງ ຮອງເລຂາຄະນະພັກກະຊວງ, ຮອງລັດຖະມົນຕີກະຊວງ ພະລັງງານ ແລະ ບໍ່ແຮ່, ມີບັນດາ ສະຫາຍ ເລຂາ-ຮອງເລຂາ ແລະ ຜູ້ຕາງໜ້າຄະນະໜ່ວຍພັກອ້ອມຂ້າງກະຊວງ ພ້ອມດ້ວຍສະມາຊິກພັກພາຍໃນກົມເຂົ້າຮ່ວມຢ່່າງພ້ອມພຽງ.

ສະຫາຍ ທອງຂັນ ພິມວິໄລ ກ່າວວ່າ: ໜ່ວຍພັກກົມ ຈັດຕັ້ງ ແລະ ພະນັກງານ ເປັນໜ່ວຍພັກເອກະລາດໜຶ່ງ ຂຶ້ນກັບການຊີ້ນຳ-ນຳພາໂດຍກົງ ຈາກຄະນະພັກກະຊວງ, ມີພາລະບົດບາດໃນການຄົ້ນຄວ້າ, ເຊື່ອມຊຶມແນວທາງນະໂຍບາຍ, ມະຕິ, ຄຳສັ່ງ, ກົດລະບຽບຂອງພັກ ແລະ ກົດໝາຍຂອງລັດ, ມີສະມາຊິກພັກທັງໝົດ 16 ສະຫາຍ, ຍິງ 6 ສະຫາຍ. ຕະຫຼອດໄລຍະ ໜຶ່ງປີຜ່ານມາ, ໂດຍສະເພາະ ພາຍຫຼັງທີ່ໜ່ວຍພັກໄດ້ຮັບນາມມະຍົດໜ່ວຍພັກເຂັ້ມແຂງ-ຮູ້ນຳພາຮອບດ້ານຕິດຕໍ່ກັນມາເປັນຄັ້ງທີ XII ໃນປີ 2016 ແລະ ໄດ້ສ້າງແຜນການຄັ້ງທີ XIII ປະຈຳປີ 2017 ໂດຍອີງໃສ່ບົນພື້ນຖານ 4 ແຂງ 5 ຮູູນຳພາຮອບດ້ານ, ໜ່ວຍພັກສາມາດບັນລຸຜົນສຳເລັດໃນຫຼາຍດ້ານ.

ໃນໂອກາດທີ່ມີຄວາມໝາຍ ຄວາມສຳຄັນນີ້, ນອກຈາກໃຫ້ກຽດມອບໃບຢັ້ງຢືນແລ້ວ, ສະຫາຍ ຮອງເລຂາຄະນະພັກ, ຮອງລັດຖະມົນຕີ ກໍ່ໄດ້ໃຫ້ກຽດໂອ້ລົມ ເຊິ່ງກ່ອນອື່ນ ສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ຕະຫຼອດໄລຍະ 1 ປີທີ່ຜ່ານມາ ຈົນໄດ້ຮັບການຍ້ອງຍໍຈາກຄະນະພັກຂັ້ນເທິງຢ່າງສົມກຽດນັ້ນກໍ່ຄື: ນາມມະຍົດໜ່ວຍພັກເຂັ້ມແຂງ-ຮູ້ນຳພາຮອບດ້ານ ຄັ້ງທີ XIII ຕິດຕໍ່ກັນ. ເພື່ອສືບຕໍ່ຮັກສາມູນເຊື້ອອັນດີງາມດັ່ງກ່າວນີ້ ໃນຊຸມປີຕໍ່ໜ້າ ສະຫາຍ ໄດ້ຮຽກຮ້ອງໃຫ້ຄະນະພັກ, ຄະນະນຳ ແລະ ສະມາຊິກພັກທຸກ ສະຫາຍ ຈົ່ງເພີ່ມທະວີຄວາມສາມັກຄີ ແລະ ຄວາມເປັນແບບຢ່າງນຳໜ້າໃຫ້ແກ່ມະຫາຊົນ ໃນການປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ໃຫ້ສົມກັບວ່າ ເປັນສະມາຊິກພັກ ປະຊາຊົນ ປະຕິວັດລາວ; ເຊີດຊູນໍ້າໃຈເສຍສະຫຼະ ໄປພ້ອມກັບການຍົກສູງຄວາມຮູ້, ຄວາມສາມາດ ໃຫ້ສູງ ເພື່ອສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່; ຮັບປະກັນເຮັດໃຫ້ສາມາດບັນລຸວິໄສທັດຮອດປີ 2030, ຍຸດທະສາດການພັດທະນາ 2025 ແລະ ແຜນພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ VIII (2016-2020) ໃຫ້ປະກົດຜົນເປັນຈິງ.

X