• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ວິໄສທັດ ແລະ ພາລະບົດບາດ

          ອີງ​ຕາມ​ ລັດ​ຖະ​ດຳ​ລັດ ຂອງ​ປະ​ທານ​ປະ​ເທດ ແຫ່ງ ສ​ປ​ປ ລາວ, ສະ​ບັບ​ເລກ​ທີ 107/ປ​ປ​ທ, ລົງ​ວັນ​ທີ່ 30 ມິ​ຖຸ​ນາ 2011 ກ່ຽວ​ກັບ​ໂຄງ​ປະ​ກອບ​ກົງ​ຈັກ, ການ​ແຕ່ງ​ຕັ້ງ​ນາ​ຍົກ​ລັດ​ຖະ​ມົນ​ຕີ, ຮອງ​ນາ​ຍົກ​ລັດ​ຖະ​ມົນ​ຕີ ແລະ ຄະ​ນະ​ລັດ​ຖະ​ບານ​ແຫ່ງ ສ​ປ​ປ ລາວ;

          ກະ​ຊວງ​ພະ​ລັງ​ງານ ແລະ ບໍ່​ແຮ່ ຂຽນ​ຫຍໍ້​ດ້ວຍ​ຕົວ​ອັກ​ສອນ​ວ່າ “ພບ” ແມ່ນ​ອົງ​ການ​ບໍ​ລິ​ຫານ​ລັດ​ຂັ້ນ​ສູນ​ກາງ ໂດຍ​ສັງ​ກັດ​ໃນໂຄງ​ປະ​ກອບ​ກົງ​ຈັກ ຂອງ​ລັດ​ຖະ​ບານ, ມີ​ພາ​ລະ​ບົດ​ບາດ​ເປັນ​ເສ​ນາ​ທິ​ການ​ໃຫ້​ແກ່​ລັດ​ຖະ​ບານ​ໃນ​ການ​ພັດ​ທະ​ນາ ແລະ ຄຸ້ມ​ຄອງ​ມະ​ຫາ​ພາກ​ກ່ຽວ​ກັບ​ວຽກ​ງານ​ພະ​ລັງ​ງານ ແລະ ບໍ່​ແຮ່ ໃນ​ຂອບ​ເຂດ​ທົ່ວ​ປະ​ເທດ.

#  ໜ້າ​ທີ່​ຂອງ​ກະ​ຊວງ

  • ປະ​ຕິ​ບັດ​ຕາມ​ລັດ​ຖະ​ທຳ​ມະ​ນູນ, ກົດ​ໝ​າຍ, ມະ​ຕິ​ຂອງ​ສະ​ພາ​ແຫ່ງ​ຊາດ, ລັດ​ຖະ​ບັນ​ຍັດ ແລະ ລັດ​ຖະ​ດຳ​ລັດ ຂອງ​ປະ​ທານ​ປະ​ເທດ ກ່ຽວ​ກັບ​ຂະ​ແໜງ​ພະ​ລັງ​ງານ ແລະ ບໍ່​ແຮ່.
  • ຫັນ​ເອົາ​ແນວ​ທາງ, ແຜນ​ນະ​ໂຍ​ບາຍ ຂອງ​ພັກ-ລັດ​ມາ​ເປັນ​ແຜນ​ຍຸດ​ທະ​ສາດ, ນະ​ໂຍ​ບາຍ, ແຜນ​ແມ່​ບົດ, ແຜນ​ການ 5 ປີ, ແຜນ​ການ​ປະ​ຈຳ​ປີ ເພື່ອ​ພັດ​ທະ​ນາ​ຂະ​ແໜງ​ການ​ພະ​ລັງ​ງານ ແລະ ບໍ່​ແຮ່​ໃນ​ຂອບ​ເຂດ​ທົ່ວ​ປະ​ເທດ.
  • ຜັນ​ຂະ​ຫຍາຍ​ແຜນ​ຍຸດ​ທະ​ສາດ, ແຜນ​ແມ່​ບົດ ທີ່​ລັດ​ຖະ​ບານ​ໄດ້​ອະ​ນຸ​ມັດ​ແລ້ວ ໃຫ້​ກາຍ​ເປັນ​ແຜນ​ງານ ແລະ ໂຄງ​ການ​ລະ​ອຽດ ໃນ​ຂະ​ແໜງ​ການ​ພະ​ລັງ​ງານ ແລະ ບໍ່​ແຮ່ ພ້ອມ​ທັງ​ຮັບ​ຜິດ​ຊອບໃນ​ການ​ຈັດ​ຕັ້ງ​ປະ​ຕິ​ບັດ​ໃຫ້​ມີ​ປະ​ສິດ​ທິ​ຜົນ​ສູງ.
  • ຄົ້ນ​ຄວ້າ​ສ້າງ ແລະ ປັບ​ປຸງ​ນິ​ຕິ​ກຳ​ຕ່າງໆ​ໃນ​ຂະ​ແໜງ​ການ​ພະ​ລັງ​ງານ ແລະ ບໍ່​ແຮ່ ເພື່ອ​ສະ​ເໜີ​ລັດ​ຖະ​ບານ ແລະ/ຫລື ອົງ​ການ​ທີ່​ມີ​ສິດ​ອຳ​ນາດ​ພິ​ຈາ​ລະ​ນາ​ປະ​ກາດ​ໃຊ້.
  • ຊຸກ​ຍູ້​, ຕິດ​ຕາມ, ກ​ວດ​ກາ ການ​ຈັດ​ຕັ້ງ​ປະ​ຕິ​ບັດ ແຜນ​ຍຸດ​ທະ​ສາດ, ແຜນ​ການ ແລະ ລະ​ບຽບ​ກົດ​ໝາຍ​ຕ່າງໆ ກ່ຽວ​ກັບ​ຂະ​ແໜງ​ພະ​ລັງ​ງານ ແລະ ບໍ່​ແຮ່.
  • ຈັດ​ຕັ້ງ​ຝຶກ​ອົບ​ຮົມ, ໂຄ​ສະ​ນາ​ເຜີຍ​ແຜ່ ລະ​ບຽບ​ກົດ​ໝາຍ ທີ່​ກ່ຽວ​ກັບ​ຂະ​ແໜງ​ພະ​ລັງ​ງານ ແລະ ບໍ່​ແຮ່.
  • ກວດ​ຜ່ານ, ຢັ້ງ​ຢືນ, ຮັບ​ຮອງ ແລະ ປະ​ກອບ​ຄຳ​ເຫັນ​ຕໍ່​ການ​ອະ​ນຸ​ມັດ​ລົງ​ທຶນ ໃນ​ຂະ​ແໜງ​ພະ​ລັງ​ງານ ແລະ ບໍ່​ແຮ່​ ຕາມ​ລະ​ບຽບ​ກົດ​ໝາຍ​ທີ່​ກຳ​ນົດ.
  • ສ້າງ ແລະ ປະ​ກາດ​ໃຊ້ ກຳ​ນົດ​ເສດ​ຖະ​ກິດ-ເຕັກ​ນິກ, ຫົວ​ໜ່ວຍ​ລາ​ຄາ ແລະ ກຳ​ນົດ​ມາ​ດ​ຕະ​ຖານ ໃນ​ຂະ​ແໜງ​ພະ​ລັງ​ງານ ແລະ ບໍ່​ແຮ່ ຕາມ​ລະ​ບຽບ​ກົດ​ໝາຍ ແລະ ຕາມ​ການ​ແບ່ງ​ຂັ້​ນ​ຄຸ້ມ​ຄອງ.
  • ຄົ້​ນ​ຄວ້າ​ນຳ​ໃຊ້​ຜົນ​ສຳ​ເລັດ ຂອງວິ​ທະ​ຍາ​ສາດ ເຕັກ​ໂນ​ໂລ​ຊີ​ທີ່​ກ້າວ​ໜ້າ​ທັນ​ສະ​ໄໝ ເຂົ້າ​ໃນ​ການ​ພັດ​ທະ​ນ​າ​ພະ​ລັງ​ງານ (ພະ​ລັງ​ງານ​ທົດ​ແທນ ແລະ ພະ​ລັງ​ງານ​ທາງ​ເລືອກ​ໃໝ່).
  • ເປັນ​ເຈົ້າ​ການ ຫລື ສົມ​ທົບ​ກັບ​ຂະ​ແໜງ​ການ​ທີ່​ກ່ຽວ​ຂ້ອງ ເພື່ອ​ຄົ້ນ​ຄວ້າ​ພິ​ຈາ​ລະ​ນາ​ແກ້​ໄຂ​ບັນ​ຫາ​ຕ່າງໆ ທີ່​ເກີດ​ຂຶ້ນ​ໃນ​ຂະ​ແໜງ​ພະ​ລັງ​ງານ ແລະ ບໍ່​ແຮ່.
  • ຄຸ້ມ​ຄອງ​ການ​ເງິນ-ງົບ​ປະ​ມານ, ຊັບ​ສົມ​ບັດ ຂອງ​ລັດ, ໂຄງ​ການ​ຊ່ວຍ​ເຫລືອ​ລ້າ ແລະ ເງິນ​ກູ້​ຢືມ​ທີ່ມອບ​ໝາຍ​ໃຫ້​ກະ​ຊວງ​ພະ​ລັງ​ງານ ແລະ ບໍ່​ແຮ່ ໃຫ້​ມີ​ປະ​ສິດ​ທິ​ຜົນ​ສູງ.
  • ພົວ​ພັນ​ຮ່ວມ​ມື​ກັບ​ອົງ​ການ​ຈັດ​ຕັ້ງ​ສາ​ກົນ ແລະ ຕ່າງ​ປະ​ເທດ ເພື່ອ​ຍາດ​ແຍ່ງ​ການ​ຊ່ວຍ​ເຫລືອ​ທາງ​ດ້ານ​ເຕັກ​ນິກວິ​ຊາ​ການ ແລະ ທຶນ​ຮອນ​ເຂົ້າ​ໃນ​ການ​ຄຸ້ມ​ຄອງ ແລະ ພັດ​ທະ​ນາ​ພະ​ລັງານ ແລະ ບໍ່​ແຮ່.
  • ຄຸ້ມ​ຄອງ, ບູ​ລະ​ນະ​ກົງ​ຈັກ​ການ​ຈັດ​ຕັ້ງ ແລະ ຖັນ​ແຖວ​ພະ​ນັກ​ງ​ານລັດ​ຖະ​ກອນ ຂອງ​ຂະ​ແໜ​ງ​ພະ​ລັງ​ງານ ແລະ ບໍ່​ແຮ່ ຕາມ​ນະ​ໂຍ​ບາຍ​ຂອງ​ພັກ-ລັດ ແລະ ລະ​ບຽບ​ການ​ວາງ​ອອກ.
  • ຄຸ້ມ​ຄອງ​ລັດ​ຕໍ່​ບັນ​ດາ​ວິ​ສາ​ຫະ​ກິດ ແລະ ຈັດ​ຕັ້ງ​ສັງ​ຄົມ ທີ່​ເຄື່ອນ​ໄຫວ​ໃນ​ຂົງ​ເຂດ​ພະ​ລັງ​ງານ ແລະ ບໍ່​ແຮ່ ຕາມ​ການ​ແບ່ງ​ຂັ້ນ​ຄຸ້ມ​ຄອງ ແລະ ລະ​ບຽບ​ກົດ​ໝາຍ​ກຳ​ນົດ.
  • ສະ​ຫລຸບ​ລາຍ​ງານ​ຜົ​ນ​ການ​ຈັດ​ຕັ້ງ​ປະ​ຕິ​ບັດ​ວຽກ​ງານ ຂອງ​ຂະ​ແໜງ​ພະ​ລັງ​ງານ ແລະ ບໍ່​ແຮ່ ໃຫ້​ລັດ​ຖະ​ບານ​ຢ່າງ​ເປັນ​ປົກ​ກະ​ຕິ.
  • ປະ​ຕິ​ບັດ​ໜ້າ​ທີ່​ອຶ່ນໆ ຕາມ​ລະ​ບຽບ​ກົດ​ໝາຍ ແລະ ຕາມ​ການມອບ​ໝາຍ​ຂອງ​ຂັ້​ນ​ເທິງ.

#  ໂຄງ​ປະ​ກອບ​ການ​ຈັດ​ຕັ້ງ ຂອງ​ກະ​ຊວງ​ພະ​ລັງ​ງານ ແລະ ບໍ່​ແຮ່

ໂຄງ​ປະ​ກອບ​ກົງ​ຈັກ

  • ຂັ້ນ​ສູນ​ກາງ
  1. ຫ້ອງ​ການ​ກະ​ຊວງ
  2. ກົມ​ຈັດ​ຕັ້ງ ແລະ ພະ​ນັກ​ງານ
  3. ກົມ​ກວດ​ກາ
  4. ກົມ​ບໍ່​ແຮ່
  5. ກົມ​ນະ​ໂຍ​ບາຍ ແລະ ແຜນ​ພະ​ລັງ​ງານ
  6. ກົມ​ທຸ​ລະ​ກິດ​ພະ​ລັງ​ງານ
  7. ກົມ​ບໍ​ລິ​ຫານ​ພະ​ລັງ​ງານ
  8. ກົມ​ທໍ​ລະ​ນີ​ສາດ ແລະ ແຮ່​ທາດ
  9. ສະ​ຖາ​ບັນ​ສົ່ງ​ເສີມ​ພະ​ລັງ​ງານ​ທົດ​ແທນ
  • ຂັ້ນ​ທ້ອງ​ຖິ່ນ
  1. ພະ​ແນກ​ພະ​ລັງ​ງານ ແລະ ບໍ່​ແຮ່​ປະ​ຈຳ​ແຂວງ ແລະ ນະ​ຄອນຫຼວງ
  2. ຫ້ອງ​ການ​ພະ​ລັງ​ງານ ແລະ ບໍ່​ແຮ່​ປະ​ຈຳ​ເມືອງ ແລ​ະ ເທດ​ສະ​ບານ

 

X