• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ການສືບສວນ-ສອບສວນ ສາເຫດຄູກັ້ນນ້ຳເຂື່ອນໄຟຟ້າເຊປ່ຽນ- ເຊນ້ຳນ້ອຍແຕກຈະຮູ້ຜົນໃນຕົ້ນປີ 2019

ໃນຕອນເຊົ້າຂອງວັນທີ 21 ສິງຫາ 2018 ທີ່ສຳນັກງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ການຕ້ອນຮັບການເຂົ້າຢ້ຽມຢາມຂ່ຳນັບ ທ່ານ Prof. Dr. Schleiss Anton J ຜູ້ຊ່ຽວຊານອາວຸໂສ, ທັງເປັນປະທານກິຕິມະສັກອົງການເຂື່ອນໃຫຍ່ສາກົນ ICOLD ດ້ວຍຄະນະວິສະວະກອນຕ່າງປະເທດ ໃນໂອກາດເດີນທາງມາຮ່ວມເຮັດວຽກກັບຄະນະສືບສວນຫາສາເຫດຄູກັ້ນນ້ຳ Dຂອງເຂື່ອນໄຟຟ້າເຊປ່ຽນ-ເຊນ້ຳນ້ອຍ
ແຕກພງັ ຕາມຂຕ້ໍ ກົ ລງົ ເລກທ ີ 54/ນຍ.ກ່ອນອື່ນໝົດທ່ານ ທອງລຸນ ສີສຸລິດໄດ້ສະແດງຄວາມຍິນດີຕ້ອນຮັບ ແລະ
ຕີລາຄາສູງຕໍ່ການເຂົ້າຮ່ວມເປັນຄະນະສືບສວນນາໆຊາດຂອງເຫດການເຂື່ອນແຕກໃນຄັ້ງນີ້ ໂດຍສະເພາະແມ່ນ
ການລົງເກັບກຳຂໍ້ມູນທາງດ້ານການສຳຫຼວດ,ອອກແບບ, ການກໍ່ສ້າງແລະລົງໄປສຳຫຼວດເບິ່ງສະຖານທີ່ເກີດ
ເຫດໃນວັນທີ 19-20 ສິງຫາ2018ທີ່ຜ່ານມາ. ໂອກາດດັ່ງກ່າວທ່ານ Prof. Dr. Schleiss Anton J
ໄດ້ສະແດງຄວາມຂອບໃຈຕໍ່ທ່ານນາຍົກລັດຖະມົນຕີທີ່ໄດ້ເສຍສະຫຼະເວລາອັນມີຄ່າໃຫ້ການຕ້ອນຮັບຢ່າງອົບອຸ່ນ
ພ້ອມທັງສະແດງຄວາມເສຍໃຈຕໍ່ຜົນເສຍຫາຍທີ່ເກີດຂຶ້ນທັງຊີວິດ ແລະ ຊັບສິນຂອງປະຊາຊົນເມືອງສະໜາມໄຊ
ໃນໄລຍະທີ່ຜ່ານມາ. ຫຼັງຈາກນັ້ນກໍ່ໄດ້ລາຍງານໃຫ້ທ່ານນາຍົກລັດຖະມົນຕີໄດ້ຮັບຊາບການລົງເຮັດວຽກຕົວຈິງ
ຮ່ວມກັບຄະນະຮັບຜິດຊອບ ສືບສວນ-ສອບສວນ ແລະ ບໍລິສັດທີ່ກ່ຽວຂ້ອງກັບໂຄງການ. ຜ່ານການຈັດຕັ້ງປະຕິບັດ
ວຽກງານຕົວຈິງມາໄດ້ໄລຍະໜຶ່ງເຫັນວ່າມີຄວາມຄືບໜ້າດີພໍສົມຄວນ ແລະ ໄດ້ຮັບການຮ່ວມມືຈາກທຸກພາກ
ສ່ວນສຳລັບການກວດກາຂອງຄະນະສືບສວນນາໆຊາດໃນຄັ້ງນີ້ຈະໄດ້ເກັບກຳຂໍ້ມູນລາຍລະອຽດເປັນຕົ້ນແມ່ນ
ຂໍ້ມູນ ແລະ ເຕັກນິກການສຳຫຼວດ, ການປະເມີນ, ການອອກແບບ, ເຊິ່ງທ່ານ Prof. Dr. Schleiss Anton J ຍັງຈະໄດ້ເອົາຂໍ້ມູນທັງໝົດໄປຮ່ວມເຮັດວຽກັບທີມງານອີກ 2 ທ່ານທີ່ບໍ່ໄດ້ມາຮ່ວມເກັບກຳຂໍ້ມູນໃນຄັ້ງນີ້. ຄາດວ່າໃນເດືອນຕຸລາ 2018 ນີ້ຄະນະທັງ 3 ທ່ານພ້ອມດ້ວຍຄະນະວິຊາວະກອນຂອງຕ່າງປະເທດອີກຈຳນວນໜື່ງ ແມ່ນຈະໄດ້ມາເບິ່ງພາກສະ
ໜາມຕົວຈິງອີກຄັ້ງ ແລະ ພະຍາຍາມສະຫຼຸບຫາຕົ້ນສາເຫດທີ່ແທ້ຈິງຊຶ່ງຄາດວ່າຈະໄດ້ຄຳຕອບທີ່ຊັດເຈນໃນທ້າຍ
ປີ 2018 ຫຼື ຕົ້ນປີ 2019 ແມ່ນຢ່າງຊ້າ. ທ່ານ Prof. Dr. Schleiss Anton J ໄດ້ກ່າວວ່າ: ອຸບັດຕິເຫດ ແມ່ນສາມາດເກີດຂຶ້ນກັບທຸກຢ່າງ ແລ ະເກີດໄດ້ຢູ່ທຸກປະເທດ ບໍ່ວ່າຈະເປັນປະເທດທີ່ຈະເລີນ ແລະ ມີເຕັກນິກວິຊາ ການສູງແລ້ວກໍ່ຕາມ, ແຕ່ເມືຶອເກີດແລ້ວກໍ່ຕ້ອງໄດ້ຊອກຫາສາເຫດໃຫ້ໄດ້ເພືຶອເປັນບົດຮຽນ ແລະ ວາງມາດຕະ
ການສະກັດກັ້ນບໍ່ໃຫ້ເກີດຂຶ້ນອີກ. ການພັດທະນາໂຄງການເຂື່ອນໄຟຟ້າເປັນສິ່ງທີ່ດີຕໍ່ຄວາມຈະເລີນຮຸ່ງເຮືຶອງ
ຂອງປະເທດຊາດ, ເປັນແຫຼ່ງພະລັງງານທີ່ສະອາດ ແລະ ສັງຄົມມະນຸດກໍຍັງຕ້ອງການພະລັງງານນັ້ນເຊັ່ນດຽວ ກັນ. ໂອກາດດຽວກັນນີ້, ທ່ານ ທອງລຸນສີສຸລິດ ໄດ້ສະແດງຄວາມຂອບໃຈຕໍ່ທ່ານ Prof. Dr. Schleiss Anton J ທີ່ໄດ້ໃຫ້ຂໍ້ມູນສຳຄັນ ແລະ ເປັນປະໂຫຍດເພື່ອເຮັດໃຫ້ການສືບສວນ-ສອບສວນໃນຄັ້ງນີ້ມີປະສິດທິຜົນ ແລະ ໂປ່ງໃສ,ຍຸດຕິທຳ ແລະ ທັນເວລາ.
ພ້ອມດຽວກັນນີ້ທ່ານ ທອງລຸນ ສີສຸລິດ ໄດ້ເນັ້ນໜັກໃຫ້ຄະນະຊ່ຽວຊານຕ່າງປະເທດສືບຕໍ່ປະສານສົມທົບກັບຄະນະ
ສືບສວນ-ສອບສວນຂອງຝ່າຍ ສປປລາວ ເພື່ອເຮັດໃຫ້ການຈັດຕັ້ງປະຕິບັດວຽກງານສືບສວນ-ສອບສວນ ສາເຫດຄູກັ້ນນ້ຳ D ຂອງເຂື່ອນໄຟຟ້າເຊປ່ຽນ-ເຊນ້ຳນ້ອຍແຕກພັງ.

X