• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ການນຳ ກະຊວງ ພະລັງງານ ແລະ ບໍ່ແຮ່ ແລະ ແຂວງຄຳມ່ວນ ລົງຕິດຕາມເຫດດິນຍຸບບໍລິເວນ ບ້ານໜອງຜື, ເມືອງທ່າແຂກ

ທ່ານ ສິງເພັດ ແກ້ວໂສພາ ຫົວໜ້າພະແນກ ພະລັງງານ ແລະ ບໍ່ແຮ່ ແຂວງຄຳມ່ວນ ໄດ້ລາຍງານສະພາບການດິນຍຸບໂດຍຫຍໍ້. ທ່ານກ່າວວ່າ: ໃນເວລາ 13:00 ໂມງ ຂອງວັນທີ 8 ມິຖຸນາ 2018 ໄດ້ຮັບການລາຍງານຈາກປະຊາຊົນ ບ້ານໜອງຜືວ່າ: ເກີດມີເຫດ ການດິນຍຸບເປັນບໍລິເວນກວ້າງ ຢູ່ດິນນາ ຂອງປະຊາຊົນ ບ້ານດອນມະໄຫຼ ເມືອງ ທ່າແຂກ ແຂວງ ຄຳມ່ວນ. ຈາກສະພາບ ດັ່ງກ່າວ ທາງພາກສ່ວນທີ່ກ່ຽວຂ້ອງຂອງແຂວງ, ເມືອງ, ບ້ານກໍ່ໄດ້ຮີບຮ້ອນລົງກວດກາຢູ່ພາກສະໜາມຕົວຈິງໃນ ເວລາ 14:00 ໂມງ ຂອງວັນດຽວກັນ. ຜ່ານການກວດກາຕົວຈິງເຫັນວ່າ: ຈຸດເກີດເຫດ (ບ່ອນດິນຍຸບ) ແມ່ນນອນຢູ່ພື້ນທີ່ເຂດບ້ານດອນມະໄຫຼຕາມ ຈຸດພິກັດ 0481002/1914848 ຫ່າງຈາກບ້ານໜອງຜື ໄປທາງທິດຕາເວັນອອກສ່ຽງໃຕ້ 467 ມ, ມີຄວາມກວ້າງຂອງຂຸມ 5 ມ, ຍາວ 8 ມ ແລະ ເລິກ 3,70 ມ. ພາຍຫຼັງມີຂໍ້ມູນເບື້ອງຕົນກໍ່ໄດ້ລາຍງານຕໍ່ຂັ້ນເທິງ ໂດຍສະເພາະຫ້ອງວ່າການປົກຄອງແຂວງ ແລະ ກະ ຊວງພະລັງງານ ແລະ ບໍ່ແຮ່ (ກົມທໍລະນີສາດ-ແຮ່ທາດ ແລະ ກົມຄຸ້ມຄອງບໍ່ແຮ່) ເພື່ອໃຫ້ທິດຊີ້ນຳ. ຍ້ອນຄວາມເປັນຫ່ວງເປັນໃຍ ຂອງພັກ-ລັດຖະບານ ໂດຍສະເພາະກະຊວງ ພະລັງງານ ແລະ ບໍ່ແຮ່, ອຳນາດການປົກຄອງ ແຂວງ ຄຳມ່ວນ ກໍ່ຮີບຮ້ອນລົງ ຕິດຕາມກວດກາ, ອະທິບາຍ ຊີ້ແຈ້ງ ໃຫ້ພໍ່ແມ່ປະຊາຊົນໃນກຸ່ມ ບ້ານອ້ອມຂ້າງຈຸດເກີດເຫດ. ໃນວັນທີ 15 ມິຖຸນາ 2018 ທ່ານ ປອ ຄຳມະນີ ອິນທິລາດ ກຳມະການສູນກາງພັກ, ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ແລະ ທ່ານ ໂອໄດ ສຸດາພອນ, ກຳມະການສູນກາງພັກ, ເຈົ້າແຂວງໆ ຄຳມ່ວນ, ພ້ອມດ້ວຍບັນດາຫົວໜ້າກົມຈາກ ກະຊວງ ພະລັງງານ ແລະ ບໍ່ແຮ່, ທ່ານ ເຈົ້າເມືອງ, ຫົວໜ້າ ພະແນກການທີ່ກ່ຽວຂ້ອງຂອງແຂວງ. ໃນໂອກາດນີ້, ທ່ານລັດຖະມົນຕີໄດ້ໃຫ້ກຽດໂອ້ລົມ ແລະ ອະທິບາຍເຖິງສາຍເຫດ ການເກີດດິນຍຸບໃນຄັ້ງນີ້. ທ່ານກ່າວວ່າ: ເຫດການດິນຍຸບຄັ້ງນີ້ເກີດຂຶ້ນພໍດີໃນຊ່ວງລະດູຝົນເຊິ່ງເປັນຊ່ວງໄລຍະເວລາມີນ້ຳຫຼາຍ, ດິນອ່ອນ ສະນັ້ນສະເໜີໃຫ້ອຳນາດການປົກຄອງທຸກຂັ້ນ ແລະ ຈົ່ງມີສະຕິລະວັງຕົວສູງໃນການດຳລົງຊີວິດ, ການທຳມາຫາກິນປະຈຳ ວັນເພື່ອຫຼຸດຜ່ອນຄວາມສ່ຽງອັນຕະລາຍຈະເກີດຂຶ້ນຕໍ່ຊີວິດ ແລະ ຊັບສິນພໍ່ແມ່ປະຊາຊົນ. ໃນຂະນະດຽວກັນກໍ່ບໍ່ຄວນຕື່ນຕົກໃຈ ແລະ ຢ້ານກົວ ເນື່ອງຈາກຈຸດເກີດດິນຍຸບນັ້ນ ຫ່າງຈາກເຂດຂຸດເຈາະຂອງ ໂຄງການ ລາວ-ຄາຍຢວນ ຈຳກັດ ເຊິ່ງເປັນບໍລິສັດ ທີ່ໄດ້ ຮັບສຳປະທານຈາກລັດຖະບານ ເພື່ອຂຸດຄົ້ນ ແລະ ປຸງແຕ່ງ ແຮ່ໂປຣຕາສ ແລະ ການຂຸດຄົ້ນ ຂອງບໍລິສັດ ກໍ່ໄດ້ປະຕິບັດຕາມມາດ ຕະຖານ-ເຕັກນິກ ສາກົນທຸກຂັ້ນຕອນ.

X