• 021 413000

Search
Exact matches only
Search in title
Search in content
Search in excerpt
Search in comments
Filter by Custom Post Type

ກະຊວງພະລັງງານ ແລະ ບໍ່ແຮ່

Ministry of Energy and Mines

ກອງປະຊຸມ ປຶກສາຫາລື ກ່ຽວກັບ ຮ່າງນະໂຍບາຍພະລັງງານ ຂອງ ສປປ ລາວ

ກອງປະຊຸມ ປຶກສາຫາລື ກ່ຽວກັບ“ຮ່າງນະໂຍບາຍພະລັງງານ ຂອງ ສປປ ລາວ. ໃນວັນທີ່ 4 /7/2017 ໂດຍເປັນກຽດເຂົ້າຮ່ວມ ໂດຍ ທ່ານ ປອ ຄຳມະນີ ອິນທິລາດ. ກໍາມະການສູນກາງພັກ,ເລຂາຄະນະພັກ,ລັດຖະມົນຕີ ກະຊວງພະລັງງານ ແລະ ບໍ່ແຮ່. ຢູ່ທີ່ຫໍປະຊຸມແຫ່ງຊາດຫຼັກ 5, ການ​ຈັດ​ກອງ​ປະຊຸມ​ປຶກສາຫາລື​ໃນເທື່ອນີ້ ຈະ​ເປັນ​ໂອກາດ​ທີ່​ດີ​ໃຫ້​ແກ່​ຜູ້ທີ່​ມີ​ສ່ວນຮ່ວມ​ຈາກທຸກພາກສ່ວນ​ ນັບທັງ​ຈາກ​ພາກ​ລັດໃນຖານະຜູ້ຄຸ້ມຄອງມະຫາພາກ ແລະ ລັດວິສາຫະກິດ ​ໄດ້ສ້າງຄວາມ​ເຂົ້າ​ໃຈ​ຮ່ວມ​ກັນຢ່າງເອກະ​ພາບ​ ກ່ຽວ​ກັບ​ບັນຫາ​ພື້ນຖານ​ທີ່​ເປັນອັນ​ລວມ ຊຶ່ງ​ນອນ​ຢູ່​ໃນ​ນະ​ໂຍບາຍ, ລະບຽບ​ກົດໝາຍ, ນິຕິ​ກຳທີ່​ກ່ຽວຂ້ອງແລະການແລກປ່ຽນ​ບົດຮຽນ​ຊຶ່ງ​ກັນ ​ແລະກັນ​ທີ່​ຖອດ​ຖອນ​ໄດ້​ຈາກ​ພຶດຕິ​ກຳໃນ​ພາກ​ປະຕິບັດ​ຕົວ​ຈິງ ຕິດພັນກັບການຮຽນ​ຮູ້​ແນວ​ຄວາມ​ຄິດອັນ​ໃໝ່ທີ່​ກ້າວ​ໜ້າ​ໃນ​ການ​ປັບປຸງ​ຮ່າງນະໂຍບາຍດັ່ງກ່າວນີ້ ໃຫ້ມີຄວາມຄົບຖ້ວນສົມບູນຂື້ນຕື່ມ​.

ສະນັ້ນ, ​ເພື່ອ​​ເຮັດໃຫ້​ກອງ​ປະຊຸມປຶກສາຫາລື ກ່ຽວກັບ “ຮ່າງນະໂຍບາຍພະລັງງານ ຂອງ ສປປ ລາວ” ໃນ​ມື້​ນີ້ ​ໄດ້​ຮັບ​ຜົນສຳ​ເລັດ​ຕາມ​ລະດັບ​ຄາດໝາຍ, ປະກອບຄຳຄິດຄຳເຫັນ, ແລກປ່ຽນບົດຮຽນ ຊຶ່ງກັນ ແລະ ກັນ ແລະ ນຳສະເໜີທັດສະນະ, ແນວຄວາມຄິດໃໝ່ຢ່າງ​ສ້າງສັນ ​ເພື່ອ​ສ້າງບົດຮຽນທີ່ດີ ​ໃນ​ການ​ນໍາ​ໄປ​ສຶກສາຄົ້ນຄວ້າ ​ແລະປັບປຸງ​ເຮັດ​ໃຫ້ “ຮ່າງນະໂຍບາຍພະລັງງານ ຂອງ ສປປ ລາວ” ມີ​ຄວາມ​ກະທັດ​ຮັດ ຈະ​ແຈ້ງ ຄົບ​ຖ້ວນ ສົມບູນ ສາມາດ​ຈັດ​ຕັ້ງ​ປະຕິບັດ​ໄດ້ໃນຕໍ່ໜ້າ.

X